جول اپاتىنان امان قالعان ەكٸ مەكتەپ ديرەكتورىنىڭ جاعدايى تۇراقتى اۋىر. ولار ويىل اۋداندىق اۋرۋحاناسىندا جاتىر, دەپ حابارلايدى "ۇلت اقپارات".
بۇعان دەيٸن حابارلاعانىمىزداي, ويىل-قوبدا تاسجولىندا جول اپاتى بولىپ, ەكٸ مەكتەپ ديرەكتورى كٶز جۇمدى.
امان قالعان ەكٸ مەكتەپ ديرەكتورى قازٸر ويىل اۋداندىق اۋرۋحاناسىندا جاتىر.
«ەكٸ ەيەل دە جانساقتاۋ بٶلٸمٸندە جاتىر. بٸرنەشە سٷيەگٸ سىنعان. قابىرعاسى, بۇعانا, جامباسى... ٸش-قۇرىلىسىن تەكسەرۋ ٷشٸن شاعىن وتا جاسالدى. قازٸر وبلىس ورتالىعىمەن بايلانىستا وتىرمىز. مەديتسينالىق ساناۆياتسييا اقىل-كەڭەسٸن بەردٸ. جاعدايى تۇراقتالعانشا وسىندا بولادى. ەكەۋٸ دە ەسٸن بٸلەدٸ. تۋعان-تۋىستارى اۋىلعا كەلدٸ», - دەدٸ ويىل اۋداندىق اۋرۋحاناسىنىڭ باس دەرٸگەرٸ سەندٸبەك نۇرباەۆ.
ايتىپ ٶتەيٸك, كٶلٸك جٷرگٸزۋشٸسٸ مەن الدىندا وتىرعان ەيەل كٶز جۇمدى. ولار №20 مەكتەپ ديرەكتورى باعدات ٷرٸمباەۆا جەنە №33 مەكتەپ ديرەكتورى الميرا وراقوۆا.
«№25 مەكتەپ ديرەكتورى شولپان بايەدٸلوۆا, نوۆىي ورتا مەكتەبٸنٸڭ ديرەكتورى اقگٷل قيسىقوۆا اۋرۋحانادا. ٶزٸم حيرۋرگپٸن. رەانيماتولوگ-انەستەزيولوگ, حيرۋرگ بەرٸ جۇمىستا. ناۋقاستارعا قان قۇيدىق. رەنتگەن, ۋزد تٷسٸردٸك. شولپان بايەدٸلوۆانىڭ سىنىعى كٶپ. مەرەكە دەپ كەتكەن ەشكٸم جوق, بەرٸ جۇمىستا», - دەدٸ سەندٸبەك نۇرباەۆ.
