Jol apatynan aman qalǵan eki mektep direktorynyń jaǵdaiy turaqty aýyr. Olar Oiyl aýdandyq aýrýhanasynda jatyr, dep habarlaidy "Ult aqparat".
Buǵan deiin habarlaǵanymyzdai, Oiyl-Qobda tasjolynda jol apaty bolyp, eki mektep direktory kóz jumdy.
Aman qalǵan eki mektep direktory qazir Oiyl aýdandyq aýrýhanasynda jatyr.
«Eki áiel de jansaqtaý bóliminde jatyr. Birneshe súiegi synǵan. Qabyrǵasy, buǵana, jambasy... Ish-qurylysyn tekserý úshin shaǵyn ota jasaldy. Qazir oblys ortalyǵymen bailanysta otyrmyz. Meditsinalyq sanaviatsiia aqyl-keńesin berdi. Jaǵdaiy turaqtalǵansha osynda bolady. Ekeýi de esin biledi. Týǵan-týystary aýylǵa keldi», - dedi Oiyl aýdandyq aýrýhanasynyń bas dárigeri Sándibek Nurbaev.
Aityp óteiik, kólik júrgizýshisi men aldynda otyrǵan áiel kóz jumdy. Olar №20 mektep direktory Baǵdat Úrimbaeva jáne №33 mektep direktory Almira Oraqova.
«№25 mektep direktory Sholpan Baiádilova, Novyi orta mektebiniń direktory Aqgúl Qisyqova aýrýhanada. Ózim hirýrgpin. Reanimatolog-anesteziolog, hirýrg bári jumysta. Naýqastarǵa qan quidyq. Rentgen, ÝZD túsirdik. Sholpan Baiádilovanyń synyǵy kóp. Mereke dep ketken eshkim joq, bári jumysta», - dedi Sándibek Nurbaev.
