اقتٶبەدەگٸ تەررورلىق اكت كەزٸندە قارۋلى قاقتىعىسقا قاتىسىپ, بٸرنەشە جەرٸنەن جارالانعان ەلٸبەك جەتٸعارين بٷگٸن باسپانالى بولدى, دەپ حابارلايدى قازاقپارات تٸلشٸسٸ.
2016 جىلى اقتٶبە قالاسىندا تەررورلىق اكت بولىپ, قارۋلى توپ بٸرنەشە قارۋ-جاراق دٷكەنٸ مەن ەسكەري بٶلٸمگە باسىپ كٸردٸ. سول كەزدە وقيعا ورنىنا العاشقىلاردىڭ بٸرٸ بولىپ جەتكەن پوليتسييا قىزمەتكەرٸ ەلٸبەك جەتٸعارين بٷگٸن باسپانالى بولدى.
«ەلٸبەك جەتٸعارين 2014 جىلى پوليتسييا قىزمەتكەرٸ اتانىپ, جول-پاترۋل باتالونىندا جۇمىس ٸستەدٸ. ول 2016 جىلدىڭ 5 شٸلدە كٷنٸ تەرروريستٸك اكت بولعان كەزدە العاشقىلاردىڭ بٸرٸ بولىپ وقيعا ورنىنا جەتتٸ. سول كەزدە وق تيٸپ, اۋىر جارالاندى. باۋىرىنا زاقىم كەلٸپ, وڭ قولىنا وق تيدٸ. قازٸرگٸ كەزدە وڭ قولى دۇرىس جۇمىس ٸستەمەيدٸ. سوندىقتان مٷگەدەكتٸك بەرٸلگەن. قر «قۇقىق قورعاۋ قىزمەتٸ تۋرالى» زاڭى اياسىندا قىزمەتكەر 4 اي ەم الا الادى. ال اسا اۋىر بولسا 9 اي عانا ەم قابىلداۋعا رۇقسات بەرٸلگەن. بٸز 2 جىل ۋاقىت بەردٸك, بٸراق دەنساۋلىعىن قالپىنا كەلتٸرۋ مٷمكٸن بولمادى. سوندىقتان 2018 جىلدىڭ قاراشا ايىندا پوليتسييا دەپارتامەنتٸنەن جۇمىستان شىعارىلدى. بٸراق, ونى مەن ەڭبەك دەمالىسىندا جٷرگەن كەزدە حابارلاپ, ايتپاعان. بٷگٸنگٸ ٸسٸمٸزدٸ ايتقىزباي-اق ٸستەۋٸمٸز كەرەك ەدٸ. سوندىقتان جۇمىستان شىعارۋ تۋرالى شەشٸمگە قول قويعان ەكٸ قىزمەتكەردٸڭ ٶزٸ جۇمىستان كەتٸپ, بٸرنەشە باسشى جازالاندى. ەلٸبەككە 2 جىلدىق جۇمىستا 6 رەت سىياقى تاعايىندالدى, ونىڭ ٷشەۋٸ قر ٸٸم بۇيرىعىمەن بەرٸلدٸ. ەشقانداي ەسكەرتۋ الماعان پوليتسييا قىزمەتكەرٸ سول وقيعادان سوڭ «ەرلٸگٸ ٷشٸن» مەدالٸمەن ماراپاتتالدى. قازٸرگٸ كەزدە ەلٸبەككە 2 بٶلمەلٸ قىزمەتتٸك پەتەر بەرٸلٸپ وتىر. پوليتسييا قىزمەتكەرلەرٸنٸڭ بەرٸ 1 كٷندٸك جالاقىسىن اۋداردى. بۇل - 7,5 ميلليون تەڭگە. سونىمەن قاتار, پوليتسييا دەپارتامەنتٸ تٶلەۋٸ تيٸس 1,5 ميلليون تەڭگەنٸ اۋداردى. «دارۋ» وڭالتۋ ورتالىعىمەن ارنايى باعدارلاما جاسالىپ, ەم قابىلدايدى», - دەدٸ اقتٶبە وبلىستىق پوليتسييا دەپارتامەنتٸنٸڭ باستىعى ماحامبەت ابيساتوۆ.
جۇمىسسىز قالعان بۇرىنعى پوليتسييا قىزمەتكەرٸ الداعى ۋاقىتتا جالاقىسىنىڭ 50 پايىزىن الىپ وتىرادى. سونىمەن قاتار, پوليتسييا دەپارتامەنتٸنٸڭ باستىعى اقتٶبە قالالىق سال اۋرۋىنا شالدىققانداردى قولداۋ ورتالىعىنىڭ تٶرايىمى قۇرالاي بايمەنوۆامەن حابارلاسىپ, جاڭا ٸس باستاۋعا كەڭەس بەردٸ. تٸپتٸ بيزنەس اشۋ مٷمكٸندٸگٸ بار ەكەنٸن جاسىرمادى.
«بٸز دە كٶمەك كٶرسەتەمٸز. ەربٸر پوليتسييا قىزمەتكەرٸ ەرلٸك ۇمىتىلمايتىنىن بٸلۋٸ كەرەك. ەلٸبەكتٸڭ ەرلٸگٸن ەشكٸم ۇمىتپاۋ تيٸس. العىس ايتامىز. ول بٸزدٸڭ جانىمىزدا بولادى. ونىڭ سۋرەتٸ پوليتسييا دەپارتامەنتٸندە ٸلۋلٸ تۇر, بەرٸ ٷلگٸ تۇتادى», - دەدٸ ماحامبەت ابيساتوۆ.
ايتا كەتەيٸك, ەلٸبەك جەتٸعارين قۇقىقتانۋ ماماندىعى بويىنشا بٸلٸم الىپ, كەيٸن وتان الدىنداعى بورىشىن ٶتەگەن. تۋعان جەرگە قايتا ورالعان سوڭ پوليتسييا قىزمەتكەرٸ اتاندى.
