ەسكەري تەرگەۋشٸلەر اقتٶبەدەگٸ ەسكەري بٶلٸمنٸڭ قىزمەتكەرلەرٸنە قاتىستى ٸس قوزعادى. اتىشۋلى تەراكتٸگە قاتىستى جاڭا دەرەكتەر كتك تەلەارناسىنىڭ بەينەماتەريالىندا ايتىلادى.
وسى ٸستەگٸ فيگۋرانتتاردىڭ بٸرٸ سول كٷنٸ كەزەكشٸلٸك اتقارعان قايرات تاستانبەكوۆ ەكەنٸ انىقتالدى. ول ٷش اي بويى ٸسكە كۋەگەر رەتٸندە تارتىلىپ, ويلاماعان جەردەن كٷدٸكتٸگە اينالعان. ول قازٸرگٸ ۋاقىتتا بارلىق ينستانتسييالارعا شاعىم تٷسٸرٸپ جاتىر.
"5 ماۋسىمدا لاڭكەستەر باسىپ كٸرگەندە وسى ەسكەري بٶلٸمدە قاندى وقيعا بولدى. وسىنداي تٶتەنشە جاعداي بولعاندىقتان, بارلىق ورگانگا - وبلىستىق ٸٸد, ورالدا ورنالاسقان "باتىس" ٶڭٸرلٸك بٶلٸمشەسٸنە حابار بەرۋٸمٸز قاجەت بولاتىن. لاڭكەستەردٸڭ قولاستىندا بولىپ, ولاردىڭ ايتقان شارتتارىن ورىندادىم", - دەدٸ ەسكەري قىزمەتكەر.
قايرات تاستانبەكوۆ © ktk.kz
تەراكتٸدەن كەيٸن سول كٷنٸ كەزەكشٸلٸك ەتكەن بارلىق وفيتسەر, سونداي-اق, مايور تاستانبەكوۆ تە جاۋاپ الۋعا شاقىرىلدى. ەسكەري بٶلٸمشەنٸڭ باسشىلىعى دا سول كەزدە تەز ارادا اۋىسىپ كەتكەن. تاستانبەكوۆ تە جۇمىستان ٶز ەركٸمەن كەتٸپ, تەرگەۋشٸلەرگە بارىپ جٷردٸ. ال جاقىندا ول ٶزٸنٸڭ ويلاماعان جەردەن ايىپتالۋشىعا اينالىپ كەتۋٸ مٷمكٸن ەكەنٸن بٸلدٸ.
"كەشەدەن باستاپ مەن وسى ٸستە كٷدٸكتٸگە اينالدىم. ارى قاراي نە بولاتىنىن بٸلمەيمٸن. قازٸر بۇلتارپاۋ شاراسى ارقىلى قاماۋعا الۋى دا مٷمكٸن. مۇندا نە بولىپ جاتقانىن حالىق بٸلسٸن", - دەدٸ تاستانبەكوۆ.
ال مايوردىڭ ەيەلٸ كٷيەۋٸنٸڭ قاماۋعا الىنۋى مٷمكٸن ەكەنٸن ەستٸگەندە ابدىراپ قالدى. "وقيعا ورنىندا بولعانداردىڭ بارلىعى جۇمىستان قۋىلدى. قازا تاۋىپ, جاراقات العاندار - ناعىز باتىرلار. مەنٸڭ كٷيەۋٸم كٷدٸكتٸگە اينالدى. بٸر جىل بٸر ايلىق بالامىز بار", - دەدٸ مادينا تاستانبەكوۆا.
وفيتسەردٸڭ وتباسى ەكٸنشٸ سەبيدٸ كٷتٸپ وتىر.
ايتا كەتەيٸك, ەسكەري تەرگەۋشٸلەر وسى ٸسكە قاتىستى پٸكٸر بٸلدٸرمەي وتىر. ولار تەك تاستانبەكوۆتٸڭ وسى ٸستەگٸ فيگۋرانتتاردىڭ بٸرٸ ەكەنٸن راستادى. ول قر قىلمىستىق كودەكسٸنٸڭ 447-بابى بويىنشا ("Iشكi قىزمەت اتقارۋدىڭ نەمەسە گارنيزوندا پاترۋل بولۋدىڭ جارعىلىق قاعيدالارىن بۇزۋ") كٷدٸكتٸ دەپ تانىلىپ وتىر. (دەرەككٶز - كتك).
