2 سەۋٸردە اقتٶبە وبلىسىندا كوروناۆيرۋس جۇقتىرعان 72 جاستاعى ەيەل ادام – وسىدان ەكٸ كٷن بۇرىن Covid-19 دەرتٸنە شالدىققان ەر ادامنىڭ شەشەسٸ. بۇل تۋرالى اقتٶبە وبلىسى دەنساۋلىق ساقتاۋ باسقارماسىنىڭ باسشىسى ەسەت قاليەۆ حابارلادى.
ەسەت قاليەۆتٸڭ سٶزٸنشە, بالاسىنان كوروناۆيرۋس تابىلعاننان كەيٸن زەينەتكەر 31 ناۋرىزدا اقتٶبەدەگٸ پروۆيزورلىق گوسپيتالگە جەتكٸزٸلگەن.
زەينەتكەر ەيەلدٸڭ كوروناۆيرۋس جۇقتىرعان ۇلى 20 ناۋرىز كٷنٸ الماتى ارقىلى ەگيپەتتەن ۇشىپ كەلگەن. ٶز ٷيٸندە كارانتيندە بولعان تۇرعىن 9 كٷننەن سوڭ دەنە قىزۋى كٶتەرٸلٸپ, جەدەل جەردەم شاقىرعان.
كورونوۆيرۋس جۇقتىرعان شەشەسٸ مەن بالاسى تۇرعان پودەزد قازٸر وقشاۋلانعان. بۇل تۋرالى سول ٷيدٸڭ تۇرعىنى, ۆيرۋس جۇقتىرعان تۇرعىنداردىڭ كٶرشٸسٸ 80 جاستان اسقان اننا دۋشينكينا ايتتى.
ەگيپەتكە بارىپ, كوروناۆيرۋس جۇقتىرىپ العان كٶرشٸسٸ تۋرالى اننا دۋشينكينا «قىرىقتىڭ ٷستٸندەگٸ جٸگٸت. ەگيپەتكە جولدامانى جۇمىس ورنىنان تەگٸن بەرگەن. ەگيپەتتە التى كٷن دەمالىپ, الماتىعا جەتكەننەن كەيٸن وتباسىنا حابارلاسىپ, اقتٶبەگە كەلە سالا 14 كٷن كارانتيندە بولاتىنىن ايتقان. ەيەلٸ مەن قىزىنان وسى ارالىقتا تۋىستارىنا بارا تۇرۋىن ٶتٸنگەن. ال اناسى اسا مەن بەرمەسە كەرەك. بالاسىنىڭ ەسكەرتۋٸنە قاراماستان ول ٶز ٷيٸندە قالعان» دەدٸ.
تۇرعىننىڭ ايتۋىنشا, بٷگٸن ارنايى كيٸم كيگەن ماماندار كارانتيندەگٸ پودەزدٸ ەكٸنشٸ مەرتە دەزينفەكتسييالاپ كەتكەن.
اقتٶبە وبلىستىق دەنساۋلىق ساقتاۋ باسقارماسى باسشىسى ەسەت قاليەۆ ەگيپەتتەن ورالعان اقتٶبەلٸكتٸڭ جاعدايى كەشەلٸ بەرٸ اۋىرلاپ كەتكەنٸن ايتادى. «ونىڭ جاعدايى ورتاشا اۋىر. اقتٶبەدە ۆيرۋس تابىلعان قالعان تٶرت ناۋقاستىڭ جاعدايى تۇراقتى» دەيدٸ ەسەت قاليەۆ.
قازٸر اقتٶبەدە كوروناۆيرۋس جۇقتىرعاندار سانى بەس ادام بولدى. زەينەتكەر ەيەل مەن ۇلىنان باسقا ٷش ادام يسپانييا, تٷركييا, جەنە رەسەيدەن كەلگەن.
