اقتٶبە جۇرتى كەشە تاعى دا دٷرلٸگٸپ قالدى. تاڭ اتىسىمەن قارۋ اسىنعان ارنايى جاساق قالا شەتٸندەگٸ مۇناي ٶڭدەيتٸن زاۋىتتى قورشاۋعا العان. ايماقتا قارا التىن ۇرلاۋمەن اينالىسىپ جٷرگەن قىلمىستىق توپتىڭ مٷشەلەرٸن وسىندا قولعا تٷسٸرٸپتٸ. ولاردى ۇستاۋ ٷشٸن تەرتٸپ ساقشىلارىنان باستاپ, ۇلتتىق قاۋٸپسٸزدٸك كوميتەتٸ مەن جەمقورلىققا قارسى كٷرەس بيۋروسىنىڭ ٶكٸلدەرٸ دە تارتىلىپتى. بەلگٸلٸ بولعانداي, كٷدٸكتٸلەر راديكالدى سالافيزم اعىمىن قولداۋشىلار ەكەن. قارا التىندى زاڭسىز ساۋدالاپ, قىرۋار قارجىمەن قالتا قامپايتقانداردىڭ لاڭكەستٸك پيعىلداعى توپتارمەن بايلانىسى بارى دا انىقتالعان.
-اقتٶبەدەگٸ مۇناي ٶڭدەۋ زاۋىتى قالا شەتٸندە ورنالاسقان. قازٸر مۇندا ەشكٸمدٸ سىرتتان كٸرگٸزبەيدٸ, ال جۇمىسشىلارى مەن قىزمەتكەرلەرٸ قاماۋدا وتىر.
مۇنداعىلار تاڭ اتىسىمەن قارۋ اسىنعان ساقشىلاردىڭ ساۋ ەتە قالارىن كٷتپەگەندەي. سەبەبٸ كٶرٸپ تۇرعاندارىڭىزداي زاۋىتقا مۇناي ەكەلگەن ونداعان كٶلٸك قاقپا الدىندا يرٸلٸپ تۇر.
ال كەسٸپورىن اينالاسىن ٸشكٸ ەسكەردٸڭ ساربازدارى قورشاۋعا الدى. ٶيتكەنٸ ۇرلانعان قارا التىندى قىلمىستىق توپ وسىندا تاپسىرىپ كەلگەن ەكەن. جەتكٸزۋشٸلەردٸڭ بٸرٸن ۇلتتىق قاۋٸپسٸزدٸك قىزمەتكەرلەرٸ وسى كەسٸپورىنعا كەلەر جولدا ۇستاپتى. ال قاراقشىلىق جولمەن الىنعان قارا التىندى ساتۋعا دەلدالدىق ەتكەن تاعى بٸر تۇرعىن ٶز پەتەرٸنەن تۇتقىنعا الىنعان. ٶزٸن دوسۋپوۆ دەپ تانىستىرعان ودان مۇنايعا قاتىستى قۇجاتتار تەركٸلەندٸ.
قۇزىرلى ورگاندار مۇناي ۇرلىعىمەن اينالىساتىن قىلمىستىق توپتى ۇستاۋ ٷشٸن وپەراتسييانى بٸرنەشە اي بويى جوسپارلاپتى. ٶيتكەنٸ مٷشەلەرٸنٸڭ كٶپتٸگٸنەن جەنە ەلٸمٸزدٸڭ تٷكپٸر-تٷكپٸرٸندە تۇراتىندىعىنان بٸراز قيىندىق تۋىنداعان. سوندىقتان تەك اقتٶبەدە عانا ەمەس, قاندىاعاش قالاسىنداعى مۇناي ٶڭدەيتٸن «ۆەرنال ويل» زاۋىتى دا قورشاۋعا الىندى. وندا دا قىلمىسكەرلەر ۇرلانعان قارا التىندى ٶتكٸزەتٸن ٶز جەلٸلەرٸن قۇرىپ العان ەكەن. ولاردىڭ بارلىعىن ەركٸن ٸزباساروۆ الماتىدا وتىرىپ باسقارىپتى. 50 جاستاعى بۇل ازامات قىلمىس ەلەمٸندە «اعايىندى تٶرتەۋ» دەگەن لاقاپ اتپەن تانىمال توپتىڭ سەركەسٸ. ارباعا تاڭىلسا دا, ەلٸمٸزدەگٸ مۇناي ۇرلىعىن باقىلاپ, ونى قايدا ٶتكٸزٸپ, اقشاسىن قايدا جٸبەرۋدٸ بۇيىرىپ وتىرعانسول دەيدٸ ۇلتتىق قاۋٸپسٸزدٸك كوميتەتٸندەگٸلەر. ول دا بٷگٸن الماتىدا وققاعارى مەن كٶلٸك جٷرگٸزۋشٸمەن بٸرگە كٶشە بويىندا كٶلٸگٸمەن كەتٸپ بارا جاتقان جەرٸنەن ۇستالدى.
ۇلتتىق قاۋٸپسٸزدٸك كوميتەتٸ تاراتقان مەلٸمەتتەرگە قاراعاندا قىلمىستىق توپتىڭ مٷشەلەرٸ راديكالدى سالافيتتەردٸ قولداۋشىلار ەكەن. وسىنداي لاڭكەستٸك پيعىلداعى توپتار مۇناي ۇرلىعىمەن جٷيەلٸ تۇردە اينالىسىپ, تابىستى كەسٸپتەن تاپقان اقشاسىنا قارۋ-جاراق ساتىپ الىپ وتىرعان. ەزٸرگە قىلمىستىق توپتىڭ قۇرامىندا قانشا ادامنىڭ بولعانىن جەنە قانشاسىنىڭ ۇستالعانىن قۇزىرلى ورگاندار اشىپ ايتپاي وتىر.
