فوتو: egemen.kz
حرومتاۋ اۋدانىنداعى دٶڭ كەن بايىتۋ كومبيناتىندا جۇمىسشى اۋىر جارالاندى, دەپ حابارلايدى قازاقپارات.
دٶڭ كەن بايىتۋ كومبيناتىنىڭ 28 جاستاعى جۇمىسشىسى جارالانىپ, اۋرۋحاناعا تٷستٸ. اقتٶبە وبلىستىق ەڭبەك ينسپەكتسيياسى باسقارماسى باسشىسىنىڭ ورىنباسارى تالعات يسكاريننٸڭ حابارلاۋىنشا, تاۋ-كەن شەبەرٸ سۋ ناسوسىن تەكسەرگەن. سول كەزدە ناسوس بٸرنەشە بٶلٸككە بٶلٸنٸپ, جۇمىسشىنىڭ اياعى مەن قولىنا زاقىم كەلەدٸ. ونى الدىمەن حرومتاۋ اۋداندىق اۋرۋحاناعاسىنا جەتكٸزگەنٸمەن, كەيٸن وبلىستىق جەدەل مەديتسينالىق جەردەم اۋرۋحاناسىنا تاسىمالدانعان. ەمدەۋ ورنىندا وتا جاسالدى.
«اياعى سىنىپ, جٸلٸنشٸگٸنە زاقىم كەلگەن. اشىق جاراسى بار. قولىنىڭ ساۋساقتارى دا سىنعان. جاعدايى ورتاشا اۋىر. قازٸرگٸ كەزدە تراۆماتولوگييا بٶلٸمٸندە ەم قابىلداپ جاتىر», - دەپ حابارلادى وبلىستىق دەنساۋلىق ساقتاۋ باسقارماسى.
ايتا كەتەيٸك, بۇعان دەيٸن اقتٶبەدەگٸ التىن ٶندٸرەتٸن كەن ورنىندا بٸر جۇمىسشى قازا بولدى. وسى وقيعاعا بايلانىستى وبلىستىق ەڭبەك ينسپەكتسيياسى باسقارماسى تەكسەرۋ جٷرگٸزٸپ جاتىر.
