فوتو: freepik
اقتٶبەدە كەمەلەتكە تولماعان قىزدىڭ جٷكتٸ بولۋىنا بايلانىستى قىلمىستىق ٸس قوزعالدى. پوليتسييا جاسٶسپٸرٸممەن جىنىستىق قاتىناس جاساۋ دەرەگٸ بويىنشا سوتقا دەيٸنگٸ تەرگەپ-تەكسەرۋ امالدارىن باستاپ كەتتٸ, دەپ حابارلايدى Ult.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, قازٸر زاڭناماعا سەيكەس بارلىق قاجەتتٸ تەرگەۋ ەرەكەتتەرٸ جٷرگٸزٸلۋدە. جەبٸرلەنۋشٸنٸڭ قۇقىقتارى مەن زاڭدى مٷددەلەرٸن قورعاۋ قامتاماسىز ەتٸلگەن. ٸس وبلىستىق دەڭگەيدە ەرەكشە باقىلاۋعا الىنعان.
ال وبلىستىق بٸلٸم باسقارماسى بۇل وقيعاعا دەيٸن قىزدىڭ پروفيلاكتيكالىق ەسەپتە تۇرعانىن مەلٸمدەدٸ. رەسمي اقپاراتقا سٷيەنسەك, جاسٶسپٸرٸم تٷنگٸ رەيدتەر كەزٸندە بٸرنەشە رەت ۇستالعان. اتا-اناسىنا ەسكەرتۋ بەرٸلٸپ, وقۋشىمەن جەكە جۇمىس جوسپارى جاسالىپ, باقىلاۋ ورناتىلعان. دەل سول كەزەڭدە ونىڭ جٷكتٸ ەكەنٸ انىقتالعان.
ايتا كەتەيٸك, بۇعان دەيٸن اقتٶبەدە ٶگەي اتاسى تاراپىنان زورلىق كٶرٸپ, جٷكتٸ بولعان وقۋشى قىزدىڭ ٸسٸ قوعامدا ٷلكەن رەزونانس تۋدىرعان ەدٸ. 64 جاستاعى ەر ادام سوت ٷكٸمٸمەن 21 جىلعا باس بوستاندىعىنان ايىرىلعان.
قازٸرگٸ جاعداي تاعى دا كەمەلەتكە تولماعانداردىڭ قاۋٸپسٸزدٸگٸ, وتباسى مەن مەكتەپتٸڭ جاۋاپكەرشٸلٸگٸ, پروفيلاكتيكالىق جۇمىستىڭ تيٸمدٸلٸگٸ تۋرالى ٶتكٸر سۇراقتاردى العا شىعارىپ وتىر.
