Foto: freepik
Aqtóbede kámeletke tolmaǵan qyzdyń júkti bolýyna bailanysty qylmystyq is qozǵaldy. Politsiia jasóspirimmen jynystyq qatynas jasaý deregi boiynsha sotqa deiingi tergep-tekserý amaldaryn bastap ketti, dep habarlaidy Ult.kz.
Oblystyq politsiia departamentiniń málimetinshe, qazir zańnamaǵa sáikes barlyq qajetti tergeý áreketteri júrgizilýde. Jábirlenýshiniń quqyqtary men zańdy múddelerin qorǵaý qamtamasyz etilgen. Is oblystyq deńgeide erekshe baqylaýǵa alynǵan.
Al oblystyq bilim basqarmasy bul oqiǵaǵa deiin qyzdyń profilaktikalyq esepte turǵanyn málimdedi. Resmi aqparatqa súiensek, jasóspirim túngi reidter kezinde birneshe ret ustalǵan. Ata-anasyna eskertý berilip, oqýshymen jeke jumys jospary jasalyp, baqylaý ornatylǵan. Dál sol kezeńde onyń júkti ekeni anyqtalǵan.
Aita keteiik, buǵan deiin Aqtóbede ógei atasy tarapynan zorlyq kórip, júkti bolǵan oqýshy qyzdyń isi qoǵamda úlken rezonans týdyrǵan edi. 64 jastaǵy er adam sot úkimimen 21 jylǵa bas bostandyǵynan aiyrylǵan.
Qazirgi jaǵdai taǵy da kámeletke tolmaǵandardyń qaýipsizdigi, otbasy men mekteptiń jaýapkershiligi, profilaktikalyq jumystyń tiimdiligi týraly ótkir suraqtardy alǵa shyǵaryp otyr.
