اقتٶبەدە جول جيەگٸمەن جٷرگەن جاياۋ جٷرگٸنشٸنٸ كٶلٸك قاعىپ كەتتٸ. 37 جاستاعى ەر ادام وقيعا ورنىندا كٶز جۇمدى, دەپ حابارلايدى قازاقپارات.
بٷگٸن ساعات 00:34-تە اقتٶبە قالاسىنان العا اۋدانى بەستاماق اۋىلىنا قاراي باعىت العان Volkswagen Sharan اۆتوكٶلٸگٸنٸڭ جٷرگٸزۋشٸسٸ قارسى باعىتقا شىعىپ كەتەدٸ. سول كەزدە بەستاماق اۋىلىنان اقتٶبە قالاسىنا قاراي جاياۋ كەتٸپ بارا جاتقان 37 جاستاعى جٷرگٸنشٸنٸ قاعىپ كەتەدٸ.
«جول-كٶلٸك وقيعاسى سالدارىنان جاياۋ جٷرگٸنشٸ وقيعا ورنىندا قازا تاپتى. قازٸرگٸ كەزدە قىلمىستىق كودەكستٸڭ «جول قوزعالىسى ەرەجەسٸن بۇزۋ» بابى بويىنشا سوتقا دەيٸنگٸ تەرگەۋ باستالدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
