اقتٶبەدە جەڭٸل كٶلٸك جٷك كٶلٸگٸنە جول بەرمەي, وقيعا ورنىندا ٷش ادام كٶز جۇمدى, دەپ حابارلايدى "ۇلت اقپارات".
بٷگٸن ساعات 16:00-دە «ۆاز 2110» ماركالى اۆتوكٶلٸگٸنٸڭ 55 جاستاعى جٷرگٸزۋشٸسٸ اقتٶبە قالاسىنداعى ك.نوكين داڭعىلى مەن شەرنيياز كٶشەسٸنٸڭ قيىلىسىندا «زيل 130» ماركالى جٷك كٶلٸگٸنە جول بەرمەدٸ. ەكٸ كٶلٸك سوقتىعىسقاندا ٷش ادام مەرت بولدى.
«جول-كٶلٸك وقيعاسى سالدارىنان ۆاز-2110 اۆتوكٶلٸگٸنٸڭ جٷرگٸزۋشٸسٸ مەن ەكٸ جولاۋشى (19 جاستاعى قىز بەن 62 جاستاعى ەيەل) وقيعا ورنىندا كٶز جۇمدى. سونىمەن قاتار, تاعى ەكٸ جولاۋشى مەن 1 جاسار بالا تٷرلٸ دەنە جاراقاتىن الىپ, اۋرۋحاناعا جەتكٸزٸلدٸ. اقتٶبە وبلىستىق پوليتسييا دەپارتامەنتٸ جٷرگٸزۋشٸلەردەن جول ەرەجەسٸن ساقتاۋدى سۇرايدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
