Aqtóbede jeńil kólik júk kóligine jol bermei, oqiǵa ornynda úsh adam kóz jumdy, dep habarlaidy "ult aqparat".
Búgin saǵat 16:00-de «VAZ 2110» markaly avtokóliginiń 55 jastaǵy júrgizýshisi Aqtóbe qalasyndaǵy K.Nokin dańǵyly men Sherniiaz kóshesiniń qiylysynda «ZIL 130» markaly júk kóligine jol bermedi. Eki kólik soqtyǵysqanda úsh adam mert boldy.
«Jol-kólik oqiǵasy saldarynan VAZ-2110 avtokóliginiń júrgizýshisi men eki jolaýshy (19 jastaǵy qyz ben 62 jastaǵy áiel) oqiǵa ornynda kóz jumdy. Sonymen qatar, taǵy eki jolaýshy men 1 jasar bala túrli dene jaraqatyn alyp, aýrýhanaǵa jetkizildi. Aqtóbe oblystyq politsiia departamenti júrgizýshilerden jol erejesin saqtaýdy suraidy», - dedi oblystyq PD baspasóz qyzmetiniń jetekshisi Erbolat Sarqulov.
