20 جاستاعى گٷلدانا نۇرماعامبەتوۆانىڭ ٶلٸمٸنە قاتىستى وبلىستىق دەنساۋلىق ساقتاۋ باسقارماسى, تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ باسقارماسى كوميسسييا قۇردى, دەپ حابارلايدى "ۇلت اقپارات".
«كٶز جۇمعان كەلٸنشەك جەكە كلينيكادا تەكسەرۋدەن ٶتٸپ, ەم قابىلداعان. سول كٷنٸ جاتىر تٷتٸكشەسٸنٸڭ ٶتكٸزۋ قابٸلەتٸ تەكسەرٸلگەن. سوت-مەديتسينا ساراپتاماسىنىڭ بەرگەن بولجامى بويىنشا انافيلاكتيكالىق شوك العان. قازٸرگٸ ۋاقىتتا وبلىستىق دەنساۋلىق ساقتاۋ باسقارماسى, تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ باسقارماسى كوميسسييا قۇردى. ناقتى شەشٸمٸ شىققان ۋاقىتتا قوسىمشا حابار بەرٸلەدٸ. وبلىستىق دەنساۋلىق ساقتاۋ باسقارماسى قايتىس بولعان كەلٸنشەكتٸڭ وتباسىنا كٶڭٸل ايتادى», - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
ايتا كەتەيٸك, 14 قازان كٷنٸ 20 جاستاعى كەلٸنشەك مەديتسينالىق ورتالىقتا كٶز جۇمدى. وسى وقيعاعا بايلانىستى قىلمىستىق كودەكستٸڭ 317-بابى 3-بٶلٸگٸمەن ٸس قوزعالدى.
