اقتٶبەدە مونيتورينگ توپ ٷيلەنۋ تويى مەن ساۋىق كەشٸن توقتاتىپ, شاقىرىلعان قوناقتاردى تاراتتى, دەپ حابارلايدى قازاقپارات.
اقتٶبە وبلىسى بويىنشا مونيتورينگ توپتار مەن جەرگٸلٸكتٸ پوليتسييا قىزمەتٸنەن تٷسكەن ماتەريالدار نەگٸزٸندە 86 ميلليون تەڭگەگە 854 ايىپپۇل سالىندى. ونىڭ ٸشٸندە كارانتين شەكتەۋٸن بۇزعان قوعامدىق تاماقتانۋ ورىندارى 31 ميلليون تەڭگە ايىپپۇل تٶلەدٸ. 16-19 قىركٷيەك ارالىعىندا مونيتورينگتٸك توپتاردىڭ رەيدتٸك ٸس-شارالارى بارىسىندا 20 كارانتين رەجيمٸن بۇزۋ فاكتٸسٸ انىقتالدى.
«كوليزەي», «ەكٸ جٷرەك», «گراند حولل», «الاشا» مەيرامحانالارىندا سالتاناتتى شارا, سونىمەن قاتار Green Land دەمالىس بازاسىندا Forty Four تٷنگٸ كلۋبىنىڭ ۇيىمداستىرۋىمەن ساۋىق كەشٸ بولىپ جاتقانى انىقتالدى. جەرگٸلٸكتٸ پوليتسييا قىزمەتكەرلەرٸمەن سالتاناتتى ٸس-شارالار توقتاتىپ, تاراتتى. بارلىق ماتەريال تيٸستٸ شارالار قابىلداۋ ٷشٸن ۋەكٸلەتتٸ ورگانعا جٸبەرٸلدٸ. شەكتەۋ ٸس-شارالارىن ساقتاۋدى قامتاماسىز ەتۋ جٶنٸندەگٸ جۇمىس ەپيدەميولوگييالىق جاعداي تۇراقتالعانعا دەيٸن جالعاسادى», - دەپ حابارلادى اقتٶبە قالاسى ەكٸمٸ جانىنداعى مونيتورينگ توپ.
