اقتٶبە وبلىسى بويىنشا ۆاكتسينا سالدىرۋعا قابٸلەتتٸ تۇرعىنداردىڭ تەڭ جارتىسى يممۋنداۋ شاراسىنا قاتىستى. قازٸرگٸ كەزدە تەمٸرجول ۆوكزالى, ەۋەجاي مەن ساۋدا-ويىن-ساۋىق كەشەنٸندە ۆاكتسيناتسييالاۋ پۋنكتٸ اشىلدى, دەپ حابارلايدى قازاقپارات.
اقتٶبە وبلىسى بويىنشا بارلىعى 522 مىڭنان استام ادام ۆاكتسينا سالدىرۋعا قابٸلەتتٸ. قازٸرگٸ كەزدە 305 مىڭنان استامى بٸرٸنشٸ, ال 252 مىڭى ەكٸ كومپونەنتٸن دە سالدىردى.
«قازٸرگٸ كەزدە ۆاكتسينا سالدىراتىن ادامداردىڭ تەڭ جارتىسىنا جۋىعى يممۋندالدى. قازٸرگٸ كەزدە بارلىق ەمحانادا ۆاكتسيناتسييالاۋ پۋنكتٸ بار. سونىمەن بٸرگە تەمٸرجول ۆوكزالى, ەۋەجاي مەن «كەرۋەن» ساۋدا-ويىن-ساۋىق ورتالىعىندا ۆاكتسيناتسييالاۋ پۋنكتٸ اشىلدى. ٷشەۋٸندە ساعات 9:00-18:00 ارالىعىندا دەرٸگەرلەر جۇمىس ٸستەيدٸ»,- دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
