اقتٶبەدە ستۋدەنتتەر تٶبەلەسٸپ, 19 جاستاعى جٸگٸت اۋرۋحاناعا تٷستٸ, دەپ حابارلايدى "ۇلت اقپارات".
ستۋدەنتتەر اراسىنداعى تٶبەلەس 5 اقپان كٷنٸ بولدى. وقيعا ق.جۇبانوۆ ۋنيۆەرسيتەتٸنٸڭ جاتاقحاناسىنىڭ ماڭىندا تٸركەلگەن.
«جەدەل ٸس-شارا كەزٸندە پوليتسييا تٶبەلەسكە قاتىسقانداردى انىقتاپ, ۇستادى. قازٸر پىشاق سالعان كٷدٸكتٸنٸڭ جەكە باسى انىقتالىپ جاتىر. ۇستاۋ شارالارى قولعا الىندى. وسى دەرەك بويىنشا قىلمىستىق كودەكستٸڭ «ادام ٶلتٸرۋگە وقتالۋ» بابىمەن ٸس قوزعالدى, تەرگەۋ باستالدى. پوليتسييا جاتاقحانا مەن جالدامالى پەتەردە تۇراتىن ستۋدەنتتەردٸڭ اتا-انالارىن بالانى باقىلاۋدا ۇستاۋعا شاقىرادى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ۋنيۆەرسيتەتتٸڭ جاستار ساياساتى ەلەۋمەتتٸك مەسەلەلەر دەپارتامەنتٸنٸڭ ديرەكتورى قارلىعاش ساتىبالدينانىڭ ايتۋىنشا, جارالانعان تاۋ-كەن ٸسٸ ماماندىعىنىڭ 2 كۋرس ستۋدەنتٸ.
«دەرٸگەرلەرمەن سٶيلەسٸپ وتىرمىز. كٸم پىشاقتاعانىن بٸلمەيمٸز. وقيعا كٶپقاباتتى ٷيدٸڭ جانىندا بولعان», - دەدٸ قارلىعاش ساتىبالدينا.
ايتا كەتەيٸك, پىشاق جاراقاتىن العان ستۋدەنتكە وتا جاسالدى.
«كەشە جەدەل جەردەم اۋرۋحاناسىنا 19 جاستاعى جاس جٸگٸت ەكەلٸندٸ. ول جارتى ساعات بۇرىن تانىمايتىن ادامدار پىشاق جاراقاتىن سالعانىن ايتتى. كەۋدە قۋىسى, سول جاق اياعى زاقىمدانعان. تٷسكەن كەزدە جاعدايى اۋىر بولدى. بٸر ساعاتتان سوڭ وپەراتسييا جاسالدى. سول جاق كەۋدە قۋىسىنىڭ كەسٸلٸپ, تەسٸلگەن, ٶكپە جاراقاتى انىقتالدى. ٶكپەسٸ تٸگٸلدٸ. 500-600 مل قان كەتكەن. الدىمەن جانساقتاۋ بٶلٸمٸندە بولىپ, كەيٸن پالاتاعا اۋىستىرىلدى. قازٸر ٶمٸرٸنە قاۋٸپ تٶنٸپ تۇرعان جوق», - دەدٸ وبلىستىق جەدەل جەردەم اۋرۋحاناسىنىڭ باس دەرٸگەرٸ سەكەن قاپانوۆ.
