Midjourney
اقتٶبە وبلىسىندا سپورت مەكتەپتەرٸنٸڭ ديرەكتورلارى بيۋدجەت قاراجاتىن بۋكمەكەرلٸك كەڭسەلەردە تٸگٸپ ۇتىلعان, - دەپ حابارلايدى Ult.kz Tengrinews.kz-كە سٸلتەمە جاساپ.
وبلىس پروكۋراتۋراسى سپورت الاڭدارى مەن زالدارىن جالعا بەرۋ قىزمەتتەرٸنەن بيۋدجەتكە تٷسۋگە تيٸس قاراجاتتى ەكٸ بالالار-جاسٶسپٸرٸمدەر سپورت مەكتەبٸنٸڭ باسشىلارى نەگٸزسٸز يەمدەنگەنٸن انىقتاعان.
"ولار 12 ملن تەڭگەدەن اسا بيۋدجەت قاراجاتىن جەكە قاجەتتٸلٸكتەرٸنە, سونىڭ ٸشٸندە بۋكمەكەرلٸك كەڭسەلەردە جۇمساعان", - دەپ جازىلعان حابارلامادا.
بۇل دەرەك بويىنشا پروكۋراتۋرا 2 قىلمىستىق ٸستٸ تٸركەدٸ. تەرگەۋدٸ وبلىستىق ەكونوميكالىق تەرگەۋ دەپارتامەنتٸ جٷرگٸزدٸ.
"10 قاڭتاردا تەرگەۋ اياقتالىپ, قىلمىستىق ٸس (ٸستەر بٸرٸكتٸرٸلدٸ) مەنٸ بويىنشا قاراۋ ٷشٸن سوتقا جولداندى", - دەپ جازىلعان حابارلامادا.
