سىبايلاس جەمقورلىققا قارسى ٸس-قيمىل اگەنتتٸگٸ فەرمەرلٸك شارۋاشىلىقتى قاتە ەسەپتەلگەن قوسىمشا كەدەن سالىعىنان قورعاپ قالدى, دەپ حابارلايدى "ۇلت اقپارات" اگەنتتٸكتٸڭ باسپاسٶز قىزمەتٸنە سٸلتەمە جاساپ.
اگەنتتٸكتٸڭ حابارلاۋىنشا, «Green Capital Kazakhstan» كومپانيياسى جاڭا جىلىجاي تەحنولوگيياسىن قولدانا وتىرىپ, اقتٶبە وبلىسىندا كٶكٶنٸس ٶسٸرەدٸ. مەملەكەت باسشىسى قاسىم-جومارت توقاەۆ بيىل مامىر ايىندا كەسٸپورىننىڭ جۇمىسىمەن تانىسقاندا فيرما ديرەكتورى ديرك الەۆەن قىزاناقتىڭ جىل سايىنعى ٶنٸمٸ شامامەن 3 مىڭ توننا بولاتىنىن مەلٸمدەگەن.
«ەر اپتا سايىن بٸز 100 توننادان جينايمىز. نەگٸزٸنەن 80 پايىزى رەسەيگە ەكسپورتقا كەتەدٸ. قازٸر بٸزدە 90 ادام جۇمىس ٸستەيدٸ. جىلىجاي بەس گەكتاردا ورنالاسقان. بٸز تاعى 5-ەۋٸن سالعاندا قىزمەتكەرلەر سانى 150-160 ادامدى قۇرايدى», - دەپ ديرك الەۆەن ايتقان بولاتىن.
بيزنەسمەن قازاقستاندىق باق-قا بەرگەن سۇحباتىندا جىلىجايدىڭ قۇرىلىسىنا رۇقسات الۋعا 100 000 ەۆرو (500 ملن تەڭگە) جۇمساعانىن اتاپ ٶتتٸ. الايدا, ٸس مۇنىمەن بٸتپەپتٸ. نيدەرلاندتىق ينۆەستور ەلگە تٷرلٸ جابدىقتار ەكەلۋدٸ شەشەدٸ. وسىعان كەلگەندە مەملەكەتتٸك كٸرٸس كوميتەتٸنٸڭ كەدەن ورگاندارى جوسپاردان تىس تەكسەرۋ ۇيىمداستىرىپ, تەحنيكانى قاتە جٸكتەگەنٸ ٷشٸن Green Capital Kazakhstan-عا قازىناگەرلەر 350 ملن تەڭگە قوسىمشا باج سالىعىن سالعان. فيرما ٶكٸلدەرٸنٸڭ ايتۋىنشا, بۇل سومانىڭ قايدان پايدا بولعانىن ەشكٸم ناقتى تٷسٸندٸرٸپ بەرە الماپتى.
اقىرى, ينۆەستورلار ٶز مٷددەسٸن قورعاۋ ٷشٸن سىبايلاس جەمقورلىققا قارسى ٸس-قيمىل اگەنتتٸگٸنە, ناقتىراق ايتقاندا, «Protecting business and investments» جوبالىق كەڭسەسٸنە جٷگٸنگەن.
«ەرينە, بٸز مۇنداي قوسىمشا ەسەپتەۋلەرمەن كەلٸسپەي, جوبالىق كەڭسە مەن وبلىستىق ەكٸمدٸككە جٷگٸندٸك. تەك وسىدان كەيٸن عانا بەرٸ ٶزگەرە باستادى», - دەيدٸ «Green Capital Kazakhstan LLP» جشس تەحنيكالىق ديرەكتورى ەرلان جاڭابەرگەنوۆ.
اگەنتتٸك ارالاسپاعاندا كومپانييانى 1 ملن دوللارلىق شىعىن بانكروت ەتٸپ, سول ارقىلى اقتٶبە وبلىسىن 240 جۇمىس ورنىنان ايىرار ەدٸ
«تەكسەرۋ قورىتىندىسى بويىنشا قاتە جٸكتەگەنٸ ٷشٸن اتالعان كەسٸپورىنعا 350 ملن تەڭگەدەن استام قوسىمشا كەدەن ەسەپتەۋلەرٸن كٶرسەتكەن. بۇل كومپانييا مەن ينۆەستيتسييالار جٶنٸندەگٸ كوميتەت اراسىنداعى كەدەن سالىعىن تٶلەۋدەن بوساتۋ تٷرٸندەگٸ ينۆەستيتسييالىق جەڭٸلدٸك بەرٸلگەن كەلٸسٸم-شارتقا قاراماستان بولعان», - دەدٸ سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى شىڭعىس قابدۋلا.
نەتيجەسٸندە, قر قارجى مينيسترلٸگٸنٸڭ اپپەلياتسييالىق كوميسسيياسى ينۆەستور مەن كەدەنشٸلەر اراسىنداعى داۋدى قاراستىردى. ايىپپۇل كەدەن سالىمدارى تەك سىبايلاس جەمقورلىققا قارسى قىزمەت ارالاسقاننان كەيٸن عانا توقتاتىلىپ وتىر.
