«اقتٶبە وبلىسىنىڭ كيەلٸ جەرلەر گەوگرافيياسى» جوباسى اياسىندا قازبا جۇمىستارى جٷرگٸزٸلٸپ جاتىر. ارحەولوگتار ەرتە تەمٸر دەۋٸرٸ, ياعني, سارماتتار ٶمٸر سٷرگەن كەزەڭگە تەن قورىمدى زەرتتەپ, بٸرنەشە قۇندى جەرٸگەر تاپتى, دەپ حابارلايدى "ۇلت اقپارات".
اقتٶبە وبلىسىنىڭ ەكٸمٸ وڭداسىن ورازالين تاريح عىلىمدارىنىڭ دوكتورى, شىعىس ەلدەرٸ سەۋلەتٸ حالىقارالىق اكادەميياسىنىڭ كوررەسپوندەنت-مٷشەسٸ سەرٸك ەجٸعالي, تاريح عىلىمدارىنىڭ كانديداتى, ە.ح.مارعۇلان اتىنداعى ارحەولوگييا ينستيتۋتىنىڭ باس ديرەكتورى مٸندەتٸن اتقارۋشى تالعات مامىروۆپەن كەزدەستٸ. كەزدەسۋ بارىسىندا اقتٶبە وبلىسىندا «قازاقستاننىڭ كيەلٸ جەرلەرٸ» جوباسى اياسىندا جٷزەگە اسىرىلىپ جاتقان عىلىمي-زەرتتەۋ جوبالار تالقىلاندى. عالىمدار وبلىس ەكٸمٸنە مۇعالجار اۋدانى اۋماعىنداعى جاعابۇلاق قورىمىنان تابىلعان قۇربان شالاتىن ورىن مەن التىن جالاتىلعان كٶرنەكتٸ سەمسەردٸ كٶرسەتتٸ.
«قورىمنىڭ ٶزٸ ەرتە تەمٸر دەۋٸرٸنە, ياعني, ب.د.د. VI-V عاسىرلارعا جاتاتىن ٸرٸ كەشەن. مۇندا سونداي-اق, قولا اينا, التىن توعا جەنە ت.ب. ەجەلگٸ زاتتار تابىلدى. ارحەولوگييالىق ەسكەرتكٸشتٸ زەرتتەۋ جۇمىستارى ەلٸ دە جالعاسىپ جاتىر. بيىل ٷش البوم كٸتاپ شىعارىلادى. «اقتٶبە وبلىسىنىڭ كيەلٸ جەرلەر گەوگرافيياسى» اتتى كٸتاپ ٷش تٸلدە جارىق كٶرەدٸ», - دەدٸ ە.ح.مارعۇلان اتىنداعى ارحەولوگييا ينستيتۋتىنىڭ باس ديرەكتورى مٸندەتٸن اتقارۋشى تالعات مامىروۆ.
سونىمەن بٸرگە, قارعالى اۋدانىندا قولا دەۋٸرٸنٸڭ قونىس-مەكەندەرٸ تابىلدى. سول اۋماقتان مەتالل پەش تابىلعان. بۇل قازٸرگٸ اقتٶبە وبلىسىنىڭ اۋماعىن قولا دەۋٸرٸندە مەكەندەگەن تايپالاردىڭ مەتالل ٶندٸرٸسٸمەن اينالىسقانىن دەلەلدەيدٸ.
«اقتٶبە وبلىسىنىڭ كيەلٸ جەرلەر گەوگرافيياسى» جوباسى اياسىندا قازبا جۇمىستارى جٷرگٸزٸلدٸ. ٶڭٸردە ەل تاريحى ٷشٸن ماڭىزدى وقيعالار بولعانىن بٸلەمٸز. سول سەبەپتٸ زەرتتەۋ ماڭىزدى. تاريحي, ارحيتەكتۋرالىق, ەتنوگرافييالىق قۇندى ەسكەرتكٸشتەر تەك ەلٸمٸزدٸڭ باتىس ٶڭٸرٸنە ەمەس, ەل ٷشٸن ماڭىزدى. ابات بايتاق, بالعاسىن كٷمبەزٸ, دوڭىزتاۋ. مۇنىڭ بەرٸ زەرتتەلٸپ, تاريحي ماڭىزى ايتىلدى. كٶپ ەڭبەك جارىققا شىقتى. مونوگرافييا دا بار. جۇمىستى جالعاستىرىپ, كٶپجىلدىق زەرتتەۋدٸڭ قورىتىندىسىن جاساپ جاتىرمىز. ەندٸگٸ مٸندەت - دوڭىزتاۋ اۋىلىن زەرتتەۋدٸڭ ٷشجىلدىق جۇمىسىن اياقتاۋ. ەلٸمٸزدٸڭ ەڭ قاشىق اۋدانى دەپ ايتار ەدٸم. سونىمەن بٸرگە يساتاي تايمانۇلى مەن ەدٸگە باتىردىڭ جەرلەنگەن جەرٸن انىقتاۋ ماقساتىندا زەرتتەۋ جٷرگٸزٸلەدٸ», - دەدٸ تاريح عىلىمدارىنىڭ دوكتورى, شىعىس ەلدەرٸ سەۋلەتٸ حالىقارالىق اكادەميياسىنىڭ كوررەسپوندەنت-مٷشەسٸ سەرٸك ەجٸعالي.
كەزدەسۋدٸ تٷيٸندەگەن وبلىس ەكٸمٸ وڭداسىن ورازالين جٷرگٸزٸلٸپ جاتقان عىلىمي-زەرتتەۋ جۇمىستارىنىڭ ماڭىزدىلىعىن اتاپ ٶتٸپ, جەرگٸلٸكتٸ اتقارۋشى ورگانداردىڭ ٶڭٸردٸڭ تاريحي-مەدەني مۇراسىن زەرتتەۋگە, ساقتاۋعا جەنە دەرٸپتەۋگە جان-جاقتى قولداۋ كٶرسەتۋدٸ جالعاستىراتىندارىن ايتتى.
