اقتٶبە پوليتسيياسى 33 جاستاعى ٶزبەكستان ازاماتتان 2 كەلٸ ماريحۋانا تاپتى, دەپ حابارلايدى "ۇلت اقپارات".
اقتٶبە قالاسىندا «قۇقىقتىق تەرتٸپ» جەدەل - الدىن الۋ شاراسى ٶتكٸزٸلدٸ. پوليتسييا قىزمەتكەرلەرٸ «قالالىق پروكۋراتۋرا» باۋ - باقشا ۇجىمىنىڭ جانىندا «Mitsubishi Galant» ماركالى كٶلٸكتٸ توقتاتتى. تەكسەرۋ كەزٸندە 33 جاستاعى جولاۋشىدان سالماعى 2 كەلٸ بولاتىن ەسٸرتكٸ زاتى بار پاكەتتٸ تەركٸلەدٸ.
«ٶزبەكستان ازاماتىنىڭ ۋاقىتشا قونىستانعان باسپاناسىن تٸنتٸ كەزٸندە تاعى 8 كەلٸ ەسكٸرتكٸ تەركٸلەندٸ. ول كٸشپٸشتٸ شاعىن اۋدانىنداعى ٷيدٸڭ اس بٶلمەسٸندە تۇرعان كٶلٸك دوڭعالاعىنا 1 پاكەتتٸ جاسىرعان. اتالعان فاكتٸ بويىنشا قىلمىستىق كودەكستٸڭ «ەسٸرتكٸ زاتتارىن اسا ٸرٸ مٶلشەردە ٶتكٸزۋ» بابى بويىنشا سوتقا دەيٸنگٸ تەرگەۋ باستالدى. قولعا تٷسكەن شەتەلدٸك اقتٶبە قالاسىنىڭ ۋاقىتشا ۇستاۋ يزولياتورىنا قامالدى. اقتٶبە وبلىستىق پد قىزمەتكەرلەرٸ جىل باسىنان بەرٸ 500 كەلٸدەن استام ەسٸرتكٸ تەركٸلەدٸ. بارلىعى 80-نەن استام قىلمىستىق ٸس قوزعالدى»,- دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
