اقتٶبەدە كٸشٸقۇم اۋىلدىق وكرۋگٸنە قاراستى شوقسۋ ستانساسىندا جاڭبىردان سوڭ قوي-ەشكٸ باۋىرىن كٶتەرە الماي قالدى. اۋىل تۇرعىندارى ۇساق جاندىقتى باۋىزداپ العان, دەپ حابارلايدى "ۇلت اقپارات".
اقتٶبە وبلىسى, شالقار اۋدانى, كٸشٸقۇم اۋىلدىق وكرۋگٸنە قاراستى شوقسۋ ستانساسىندا وقىس وقيعا تٸركەلدٸ. ەلەۋمەتتٸك جەلٸدەگٸ بەينەجازبادان قوي-ەشكٸنٸڭ باۋىرىن كٶتەرە الماعانىن كٶرۋگە بولادى. بارلىعى 15 ەشكٸ مەن 35 قوي جاۋىننان سوڭ تۇرا الماي قالدى.
«قويدى قىرىققان سوڭ جايىلىمعا جٸبەرگەن. سول كەزدە بۇرشاق ارالاس جاڭبىر جاۋىپ, جەل سوققان. اۋىل تۇرعىندارى جايىلىمعا جٸبەرگەن مالىن ۋاقتىلى باۋىزداپ ٷلگەردٸ. سٶيتٸپ ٶزارا تاراتىپ العان. ەشكٸمنەن شاعىم تٷسپەدٸ. شىعىن ەمەس, تەك سويىپ العان»,- دەدٸ اقتٶبە وبلىستىق ۆەتەرينارييا باسقارماسى باسشىسىنىڭ مٸندەتٸن اتقارۋشى يسا بازاروۆ.
