Aqtóbede Kishiqum aýyldyq okrýgine qarasty Shoqsý stansasynda jańbyrdan soń qoi-eshki baýyryn kótere almai qaldy. Aýyl turǵyndary usaq jandyqty baýyzdap alǵan, dep habarlaidy "Ult aqparat".
Aqtóbe oblysy, Shalqar aýdany, Kishiqum aýyldyq okrýgine qarasty Shoqsý stansasynda oqys oqiǵa tirkeldi. Áleýmettik jelidegi beinejazbadan qoi-eshkiniń baýyryn kótere almaǵanyn kórýge bolady. Barlyǵy 15 eshki men 35 qoi jaýynnan soń tura almai qaldy.
«Qoidy qyryqqan soń jaiylymǵa jibergen. Sol kezde burshaq aralas jańbyr jaýyp, jel soqqan. Aýyl turǵyndary jaiylymǵa jibergen malyn ýaqtyly baýyzdap úlgerdi. Sóitip ózara taratyp alǵan. Eshkimnen shaǵym túspedi. Shyǵyn emes, tek soiyp alǵan»,- dedi Aqtóbe oblystyq veterinariia basqarmasy basshysynyń mindetin atqarýshy Isa Bazarov.
