اقتٶبەدە مۇناي ۇرلىعى ٸسٸ بويىنشا تاعى 7 ادام قاماۋعا الىندى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"اقتٶبە قالالىق №2 سوتىنا ارنايى وپەراتسييا كەزٸندە ۇستالعان ب.ك.باتىروۆ, ن.س.قازكەنوۆ, س.ب.دۋسۋپوۆ, ە.ۋ.ەركەتاەۆ , ا.ا.اميتوۆ, ج.م.ٸليياسوۆ, ا.م.قاليەۆ, ا.ج.سەرسەنوۆ جەنە ەركٸن ٸزباسارعا (1-شٸ توپتاعى مٷگەدەك) قاتىستى بۇلتارتپاۋ شاراسى رەتٸندە قاماۋعا الۋ تۋرالى ٶتٸنٸش كەلٸپ تٷستٸ", - دەلٸنگەن حابارلامادا.
بۇل تۇلعالارعا قر قىلمىستىق كودەكسٸنٸڭ 197-بابىنىڭ 4-بٶلٸگٸ 1,2-تارماقتارى ("مۇنايدىڭ جەنە مۇناي ٶنiمدەرiنٸڭ شىعارىلۋ زاڭدىلىعىن راستايتىن قۇجاتتارسىز ولاردى تاسىمالداۋ, يەمدەنۋ, ٶتكiزۋ, ساقتاۋ, سونداي-اق مۇنايدى قايتا ٶڭدەۋ") جەنە 262-بابىنىڭ 2-بٶلٸگٸ ("ۇيىمداسقان توپ, قىلمىستىق ۇيىم قۇرۋ جەنە ولارعا باسشىلىق ەتۋ, سول سيياقتى ولارعا قاتىسۋ") بويىنشا كٷدٸك كەلٸپ وتىر.
قاماۋعا الىنعانداردىڭ ٸشٸندە "اعايىندى تٶرتەۋ" قىلمىستىق توبىنىڭ جەتەكشٸسٸ ەركٸن ٸزباسار دا بار.
"سوتتىڭ قاۋلىسىمەن ب.ك.باتىروۆقا, ن.س.قازكەنوۆقا, س.ب.دۋسۋپوۆقا, ە.ۋ.ەركەتاەۆقا, ا.ا.اميتوۆقا, ج.م.ٸليياسوۆقا, ا.م.قاليەۆقا جەنە ە.ج.ٸزباسارعا قاتىستى ەكٸ ايعا قاماۋعا الۋ تۋرالى ٶتٸنٸشٸ قاناعاتتاندىرىلدى", - دەپ حابارلادى سوتتاعىلار.
ەسكە سالا كەتەيٸك, ەركٸن ٸزباسار اقتٶبەدەگٸ مۇناي بازاسىنىڭ تەرريتوريياسىندا ٸرٸ ارنايى وپەراتسييا جٷرگەن كٷنٸ الماتىدا ۇستالعان بولاتىن. ۇيىمداسقان قىلمىستىق توپتىڭ ليدەرٸمەن بٸرگە ونىڭ وققاعارى مەن جٷرگٸزۋشٸسٸ ۇستالعان ەدٸ. ال كەيٸنٸرەك مۇناي ۇرلاۋمەن اينالىسقان قىلمىستىق توپتىڭ جەتەكشٸسٸ اقتٶبەگە ۇقك ۇشاعىمەن جەتكٸزٸلگەن بولاتىن. ەركٸن ٸزباساروۆپەن بٸرگە ونىڭ كٶلٸك جٷرگٸزۋشٸسٸ مەن وققاعارى دا قازٸر اقتٶبەدە. ەندٸ ولاردى مۇناي ۇرلىعىنا قاتىستى وسىندا تەرگەيتٸن بولادى. ٸزباساروۆتٸڭ ايماقتاعى جات اعىمنىڭ جەتەگٸندە كەتكەن جٸگٸتتەردٸ ٶز پايداسىنا جۇمساپ وتىرعانى بەلگٸلٸ بولىپ وتىر.
