اقتٶبەدە مەكتەپ وقۋشىسىن قاڭعىباس يتتەر تالاپ تاستادى

فوتو: ۆيدەودان سكرين

اقتٶبەدە شانحاي ىقشاماۋدانىندا مەكتەپ وقۋشىسى قاڭعىباس يتتەرگە تالاندى. شوشىپ قالعان 13 جاستاعى جەتكٸنشەك قازٸر دەرٸگەرلەردٸڭ باقىلاۋىندا, دەپ حابارلايدى Ult.kz 31ارنانىڭ “ينفورمبيۋرو” باعدارلواماسىنا سٸلتەمە جاساپ. 

13 جاستاعى تەمٸرلانعا كٶشەدەگٸ ادامدار اراشا تٷسٸپ, جەتكٸنشەك قاتتى جاراقات الماپتى. بٸراق بويىندا قورقىنىش پايدا بولعان. ٷرگەن داۋىستى ەستٸسە جالتاقتاپ قالادى دەيدٸ اناسى.

“سول كٷنٸ بولنيتساعا بارىپ, ۆاكتسينالاردى الىپ امان-ەسەن كەلدٸ. ەلٸ دە قورقىنىش بار بالالاردا. دالاعا دا, ويناۋعا دا, مەكتەپكە دە بارا المايدى. “ماما اپارىپ تاستاشى” دەيدٸ. ارتىنان تٸستەپ الدى. ۆاكتسينا كەرەك دەپ ايتقان. 4 رەت اپتا سايىن الۋىمىز كەرەك. ۆاكتسينالار اۋىر. بالامنىڭ قىزۋى كٶتەرٸلٸپ جاتتى”, – دەيدٸ  اقتٶبە قالاسىنىڭ تۇرعىنى سالتانات بورانقۇلوۆا.

تۇرعىنداردىڭ ايتۋىنشا, يەسٸز يتتەر قوقىس جەشٸكتەرٸنٸڭ ماڭىن كٷزەتٸپ, كەلگەن ادامدارعا شابۋىل جاسايدى. بالا تٷگٸلٸ ٷلكەندەردەن دە قورىقپايدى دەيدٸ. سوندىقتان كٶپشٸلٸك ۇل-قىزدارىنىڭ قاۋٸپسٸزدٸگٸنە الاڭدايدى.

“الدىندا بالامدى مەكتەپكە اپارعاندا يت ارتىمىزدان قالماي اڭدىپ بارىپ, اڭدىپ الىپ كەلەدٸ. بالالار قوقىس تٶككەندە دە قورقادى. يتتەر ٶتە كٶپ. ارتقى جاقتاعى ماگازينگە دە بارايىق دەسەك بارا المايمىز. كەدٸمگٸدەي يتتەر دەگەن تولىپ وتىرادى. بٸر شارا قولدانسا جاقسى بولار ەدٸ. يت قايتا-قايتا ٷستٸ ٷستٸنە تۋىپ جاتىر”, – دەدٸ اقتٶبە قالاسىنىڭ تۇرعىنى الماگٷل اسانعاليەۆا.

بيىل “جانۋارلارعا جاۋاپكەرشٸلٸكپەن قاراۋ” تۋرالى زاڭعا ٶزگەرٸستەر ەنگٸزٸلگەن. سوعان سەيكەس, قاڭعىباس يتتەردٸ اۋلاۋ مٸندەتٸ ۆەتەرينارييا باسقارماسىنان الىنىپ, اۋىل شارۋاشىلىعى بٶلٸمٸنە بەرٸلٸپتٸ.

“جەكە كەسٸپكەر قازٸرگٸ كٷنٸ 8 بريگادا ۇيىمداستىردى. اۋلاۋشىلار بار. ولار دا قيمىلدامايتىن دەرٸ دەيمٸز بە سونى يتتەرگە بەرەدٸ. جەكە كەسٸپكەردٸڭ پاناجايى بار. اۋرۋ بولسا, اگرەسسييا يتتەر بولسا كٶزٸ جويىلادى. قالعان يتتەرگە ۇرعاشى بولسا ستيلدەۋ جاسالادى. ەركەگٸ بولسا كاستراتسييا جاسالادى. قۇلاقتارىنا چيپ سالىنادى”, – اقتٶبە قالالىق اۋىل شارۋاشىلىعى بٶلٸمٸنٸڭ باسشىسى مۇرات توقبولاتوۆ.

بٶلٸم باسشىسىنىڭ ايتۋىنشا, بيىل وسى ماقساتقا 55 ميلليون تەڭگە بٶلٸنگەن. جىل باسىنان بەرٸ مىڭ جارىمعا جۋىق يت اۋلانعان.