Aqtóbede mektep oqýshysyn qańǵybas itter talap tastady

Foto: Videodan skrin

Aqtóbede Shanhai yqshamaýdanynda mektep oqýshysy qańǵybas itterge talandy. Shoshyp qalǵan 13 jastaǵy jetkinshek qazir dárigerlerdiń baqylaýynda, dep habarlaidy Ult.kz 31arnanyń “Informbiýro” baǵdarloamasyna silteme jasap. 

13 jastaǵy Temirlanǵa kóshedegi adamdar arasha túsip, jetkinshek qatty jaraqat almapty. Biraq boiynda qorqynysh paida bolǵan. Úrgen daýysty estise jaltaqtap qalady deidi anasy.

“Sol kúni bolnitsaǵa baryp, vaktsinalardy alyp aman-esen keldi. Áli de qorqynysh bar balalarda. Dalaǵa da, oinaýǵa da, mektepke de bara almaidy. “Mama aparyp tastashy” deidi. Artynan tistep aldy. Vaktsina kerek dep aitqan. 4 ret apta saiyn alýymyz kerek. Vaktsinalar aýyr. Balamnyń qyzýy kóterilip jatty”, – deidi  Aqtóbe qalasynyń turǵyny Saltanat Boranqulova.

Turǵyndardyń aitýynsha, iesiz itter qoqys jáshikteriniń mańyn kúzetip, kelgen adamdarǵa shabýyl jasaidy. Bala túgili úlkenderden de qoryqpaidy deidi. Sondyqtan kópshilik ul-qyzdarynyń qaýipsizdigine alańdaidy.

“Aldynda balamdy mektepke aparǵanda it artymyzdan qalmai ańdyp baryp, ańdyp alyp keledi. Balalar qoqys tókkende de qorqady. Itter óte kóp. Artqy jaqtaǵy magazinge de baraiyq desek bara almaimyz. Kádimgidei itter degen tolyp otyrady. Bir shara qoldansa jaqsy bolar edi. It qaita-qaita ústi ústine týyp jatyr”, – dedi Aqtóbe qalasynyń turǵyny Almagúl Asanǵalieva.

Biyl “Janýarlarǵa jaýapkershilikpen qaraý” týraly zańǵa ózgerister engizilgen. Soǵan sáikes, qańǵybas itterdi aýlaý mindeti veterinariia basqarmasynan alynyp, aýyl sharýashylyǵy bólimine berilipti.

“Jeke kásipker qazirgi kúni 8 brigada uiymdastyrdy. Aýlaýshylar bar. Olar da qimyldamaityn dári deimiz be sony itterge beredi. Jeke kásipkerdiń panajaiy bar. Aýrý bolsa, agressiia itter bolsa kózi joiylady. Qalǵan itterge urǵashy bolsa stildeý jasalady. Erkegi bolsa kastratsiia jasalady. Qulaqtaryna chip salynady”, – Aqtóbe qalalyq aýyl sharýashylyǵy bóliminiń basshysy Murat Toqbolatov.

Bólim basshysynyń aitýynsha, biyl osy maqsatqa 55 million teńge bólingen. Jyl basynan beri myń jarymǵa jýyq it aýlanǵan.