اقتٶبەدە جول اپاتى بولىپ, ەكٸ مەكتەپ ديرەكتورى كٶز جۇمدى, دەپ حابارلايدى "ۇلت اقپارات".
اقتٶبە وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, وقيعا كەشە ساعات 20:20-دا بولعان. ويىل اۋدانىنىڭ 102 تەلەفونىنا ويىل-قوبدا اۆتوجولىنىڭ 156 شاقىرىمىندا كٶلٸكتٸڭ اۋدارىلعانى تۋرالى حابارلاما تٷسٸپ, سالوندا جٷرگٸزۋشٸنٸ قوسا العاندا 4 ەيەلدٸڭ بولعانى ايتىلدى.
«تoyota Land Cruiser Prado كٶلٸگٸنٸڭ جٷرگٸزۋشٸسٸ ويىل اۋىلىنان قوبدا اۋىلىنا قاراي باعىت الىپ, جول قوزعالىسى ەرەجەسٸن بۇزىپ, كٶلٸكتٸ باسقارا الماي قالعان. اۆتوكٶلٸك سول جاققا قاراي اۋدارىلدى. نەتيجەسٸندە جٷرگٸزۋشٸ مەن بٸر جولاۋشى العان جاراقاتىنان وقيعا ورنىندا كٶز جۇمدى. تاعى ەكٸ جولاۋشى بٸرنەشە جاراقاتپەن ويىل اۋداندىق ورتالىق اۋرۋحاناسىنا جاتقىزىلدى. اتالعان دەرەك بويىنشا قر قك 345-بابى 3-بٶلٸگٸ بويىنشا سوتقا دەيٸنگٸ تەرگەۋ باستالدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, كٶلٸك جٷرگٸزۋشٸسٸ دە, جولاۋشىلار دا - اقتٶبە قالاسىنداعى مەكتەپتەردٸڭ ديرەكتورى. قازٸر زارداپ شەككەن ەكٸ ەيەل اۋرۋحانادا جاتىر.
