اقتٶبەدە كٶلٸك ٶرتەنٸپ, 3 جاسار بالا جانىپ كەتتٸ. كٶپ ۇزاماي 7 جاستاعى بالا دا كٶز جۇمدى, دەپ حابارلايدى "ۇلت اقپارات".
«2014 جىلى تۋعان بالا دەنەسٸنٸڭ 80 پايىزىن كٷيٸك شالىپ, ەيتەكە بي اۋداندىق اۋرۋحاناسىنا جەتكٸزٸلگەن. جانساقتاۋ بٶلٸمٸندە ەم جٷرگٸزٸلدٸ. مەديتسينالىق اۆياتسييامەن بارعان ماماندار دا كٶمەك كٶرسەتتٸ. ٶكٸنٸشكە قاراي, ەم نەتيجەسٸ بولماي, بالا كەشە تٷنگٸ 12-دە كٶز جۇمدى. ونىڭ تىنىس الۋ جولدارىن كٷيٸك شالعان», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايگٷل كٷشتاەۆا.
ەسكە سالساق, كەشە ەيتەكە بي اۋدانى, ەڭبەك تۋ اۋىلىندا ەكٸ بالا ٷيدٸڭ اۋلاسىندا تۇرعان «ۆاز 2106» ماركالى اۆتوكٶلٸگٸنٸڭ سالونىندا ويناعان. بەلگٸسٸز سەبەپتەرمەن اۆتوكٶلٸك ٶرتەنٸپ, 7 جاسار بالا شىعىپ ٷلگەردٸ. ال 3 جاسار بالا ٶرتەنٸپ كەتتٸ.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ حابارلاۋىنشا, جىل باسىنان بەرٸ 63 كٶلٸك جانىپ كەتتٸ. ونىڭ 15-ٸ جٷك, 44-ٸ جەڭٸل كٶلٸك بولسا, بٸرەۋٸ اۆتوبۋس, بٸرەۋٸ تەمٸرجولدا.
