Aqtóbede kólik órtenip, 3 jasar bala janyp ketti. Kóp uzamai 7 jastaǵy bala da kóz jumdy, dep habarlaidy "Ult aqparat".
«2014 jyly týǵan bala denesiniń 80 paiyzyn kúiik shalyp, Áiteke bi aýdandyq aýrýhanasyna jetkizilgen. Jansaqtaý bóliminde em júrgizildi. Meditsinalyq aviatsiiamen barǵan mamandar da kómek kórsetti. Ókinishke qarai, em nátijesi bolmai, bala keshe túngi 12-de kóz jumdy. Onyń tynys alý joldaryn kúiik shalǵan», - dedi oblystyq densaýlyq saqtaý basqarmasy basshysynyń orynbasary Aigúl Kúshtaeva.
Eske salsaq, keshe Áiteke bi aýdany, Eńbek tý aýylynda eki bala úidiń aýlasynda turǵan «Vaz 2106» markaly avtokóliginiń salonynda oinaǵan. Belgisiz sebeptermen avtokólik órtenip, 7 jasar bala shyǵyp úlgerdi. Al 3 jasar bala órtenip ketti.
Oblystyq tótenshe jaǵdailar departamenti baspasóz qyzmetiniń habarlaýynsha, jyl basynan beri 63 kólik janyp ketti. Onyń 15-i júk, 44-i jeńil kólik bolsa, bireýi avtobýs, bireýi temirjolda.
