اقتٶبەدە قوعامدىق كٶلٸك جٷرگٸزۋشٸلەرٸ تاسىمالداۋشى كومپانيياعا ەسكەرتپەسپەن جۇمىسقا شىقپاي قالدى, دەپ حابارلايدى قازاقپارات.
«بٷگٸن جولعا 137 اۆتوبۋس شىعۋى كەرەك ەدٸ. ەش سەبەپ ايتپاي 80 جٷرگٸزۋشٸ جۇمىسقا شىقپاي قالدى. №24, 26, 15, 7, 11 سەكٸلدٸ باعىتتار توقتاپ تۇر. حابارلاما دا بەرمەدٸ. نەگٸزٸ ولار ەلەكتروندى بيلەت ەنگٸزگەن سوڭ ەكٸنشٸ دەڭگەيلٸ بانك ارقىلى بانك كارتاسىن اشۋى كەرەك ەدٸ. كەيبٸرٸ بۇدان باس تارتتى. ٶيتكەنٸ نەسيە قارىزى, اليمەنتٸ بار, سالىقتى تٶلەمەگەن. ال بانك كارتاسى بار ادامدار جالاقىسىن الىپ وتىر. شىنىنا كەلگەندە, بەرٸنٸڭ كارتاسى جوق دەپ ايتا المايمىن. كەيبٸرٸ بٸر-بٸرٸن قولداپ, بٷگٸن جۇمىسقا كەلمەدٸ», - دەدٸ «اۆتوپارك» جشس ديرەكتورى اعارىس تٸلەۋلەسوۆ.
ونىڭ ايتۋىنشا, ەلەكتروندى بيلەت تٶلەم جٷيەسٸ ەنگٸزٸلگەنٸمەن, تابىس ارتپاعان. تەحنيكالىق قاجەتتٸلٸك, سالىق پەن جانار-جاعارماي, جٷرگٸزۋشٸلەردٸڭ جالاقىسىن كٶتەرۋ كٸرٸستٸ ارتتىرۋعا مٷمكٸندٸك بەرمەگەن.
«قازٸر جٷرگٸزۋشٸلەر 120-300 مىڭ تەڭگە ارالىعىندا جالاقى الادى. ولاردىڭ ەڭبەكاقىسى جۇمىس جٷكتەمەسٸنە قاراي ەسەپتەلەدٸ. ەكٸ اي مٷمكٸندٸك بەرٸلدٸ. بانك كارتاسى بولماسا ەندٸ قولما-قول بەرە المايمىز. قازٸر 40-50 پايىزى جالاقى الا الماي جٷر», - دەدٸ اعارىس تٸلەۋلەسوۆ.
تاڭەرتەڭ جٷرگٸزۋشٸلەردٸڭ جۇمىسقا شىقپاي قالعانىن ەستٸگەن ەڭبەك ينسپەكتسيياسىنىڭ ٶكٸلدەرٸ دە سەرٸكتەستٸككە باردى.
«بٷگٸن تاسىمالداۋ كومپانيياسىنىڭ جۇمىسشىلارىنان ارىز-شاعىم تٷسپەدٸ. دەگەنمەن جٷرگٸزۋشٸلەر جۇمىسقا شىقپاي قالعان سوڭ سەبەبٸن بٸلۋگە كەلٸپ تۇرمىز. سەبەپسٸز, نەگٸزسٸز جۇمىسقا كەلمەسە, تەرتٸپتٸك جازا قولدانىلۋى مٷمكٸن. ونىڭ تٶرت تٷرٸ بار. تٸپتٸ جۇمىستان شىعارۋعا قۇقىلى», - دەدٸ وبلىستىق ەڭبەك ينسپەكتسيياسى باسقارماسى باسشىسىنىڭ ورىنباسارى تالعات يسكارين.
