بٷگٸن اقتٶبەدە "ورامال داۋىنا" قاتىسى بار تاراپتار "دٶڭگەلەك ٷستەل" باسىنا جينالىپ, قالىپتاسىپ وتىرعان مەسەلەنٸ شەشۋدٸڭ جولدارىن تالقىلادى. وبلىس ەكٸمدٸگٸنٸڭ ۇيىمداستىرۋىمەن "نۇر وتان" پارتيياسى اقتٶبە فيليالىنىڭ عيماراتىندا ٶتكەن جيىنعا "ورامال داۋىنا" بايلانىستى بالالارى مەكتەپكە كٸرە الماي جٷرگەن اتا-انالار, شەنەۋنٸكتەر مەن زاڭگەرلەر – بارلىعى قىرىقتان استام ادام قاتىستى, - دەپ جازادى ازاتتىق.
جيىندا ٶزٸن دەۋلەتكەرەي نەزەنوۆپٸن دەپ تانىستىرعان ازامات اقتٶبەدە "ورامال داۋىنا" قاتىسى بار تۇرعىندارعا "جان-جاقتى قىسىم جاسالىپ جاتىر" دەپ مەلٸمدەدٸ.
- بالالارى مەكتەپكە كٸرە الماي وتىرعان وتباسىلاردى قۇرامىندا ٸشكٸ ساياسات بٶلٸمٸ قىزمەتكەرلەرٸ, پوليتسييا ٶكٸلدەرٸ مەن مەكتەپ مۇعالٸمدەرٸ بار دەلەگاتسييالار ارالاپ جٷر. "بالالارىڭىز ورامالدارىن شەشسٸن, ەيتپەسە سٸزدەر تٷرلٸ قيىندىققا تاپ بولاسىزدار. اتا-انالىق قۇقىقتارىڭىزدان ايىرامىز, ايىپپۇل سالامىز" دەپ قورقىتادى. ورامال تارتاتىن بالالاردىڭ اتا-انالارىنا پسيحولوگييالىق قىسىم جاسالىپ جاتىر. بۇل - ناعىز رەپرەسسييا, - دەدٸ دەۋلەتكەرەي نەزەنوۆ.
اقتٶبە وبلىسى ەكٸمٸنٸڭ ورىنباسارى ەربول نۇرعاليەۆ مەملەكەتتٸك ورگاندار ٶكٸلدەرٸ زاڭ اياسىندا ەرەكەت ەتٸپ جاتىر دەپ جاۋاپ بەردٸ.
- مەكتەپ ديرەكتورلارى – زاڭنىڭ ورىندالۋىن قاداعالاپ وتىرعان كٸسٸلەر. اقتٶبە وبلىسىنداعى 135 مىڭ وقۋشىنىڭ 177-سٸنٸڭ ساباققا كەلمەي وتىرعانى بيلٸكتٸ دە قاتتى الاڭداتىپ وتىر, - دەدٸ نۇرعاليەۆ.
جيىندا سٶز العان اتا-انالار جوعارعى سىنىپتاعى ورامال تاعاتىن بالالارىن ونلاين ارقىلى قاشىقتان وقىتۋ جەنە قىز بالالارعا ارنالعان مەكتەپ-مەدرەسە اشۋ تۋرالى ٶتٸنٸشتەرٸنٸڭ جٷزەگە اسۋىنا جوعارى جاقتاعىلار جەردەم جاساسا دەگەن تٸلەكتەرٸن بٸلدٸردٸ. اتا-انالاردىڭ ورامال داۋىنا قاتىستى ۇسىنىستارىن تىڭداعاننان كەيٸن وبلىس ەكٸمٸنٸڭ ورىنباسارى ەربول نۇرعاليەۆ تالاپ-تٸلەكتەردٸ وبلىس باسشىلىعى مەن استاناداعى تيٸستٸ مينيسترلٸكتەرگە جەتكٸزۋگە ۋەدە ەتتٸ.
ەكٸ جارىم ساعاتقا سوزىلعان جيىن سوڭىندا تاراپتار ورتاق مەمٸلەگە كەلگەن جوق. اقتٶبە وبلىسى ەكٸمٸنٸڭ ورىنباسارى ەربول نۇرعاليەۆ الداعى اپتادا وسىنداي تاعى بٸر جيىن ٶتەتٸنٸن حابارلادى.
اقتٶبە وبلىستىق بٸلٸم باسقارماسىنىڭ دەرەگٸنشە, قازٸر وبلىستا "ورامال داۋىنا" بايلانىستى مەكتەپكە ساباققا كٸرە الماي وتىرعان 177 وقۋشى بار. وبلىستىق دٸن ٸستەرٸ باسقارماسىنىڭ باسشىسى جولداس قالماعامبەتوۆ ەلگٸ بالالاردىڭ 130-ى – "باليعات جاسىنا جەتپەگەن", ياعني تٶمەنگٸ سىنىپ وقۋشىلارى ەكەنٸن ايتادى.
