اقتٶبەدە قارعالى ٶزەنٸ دە تاسي باستادى. ٶتكەن تەۋلٸكتە قارعالىنىڭ جاعالاۋىنداعى كەڭەس نوكين, سادوۆىي اۋىلدارى مەن تٷرلٸ ساياجاي ۇجىمدارىنان 400-گە تارتا تۇرعىن ەۆاكۋاتسييالانعان. بۇل تۋرالى ازاتتىققا اقتٶبە وبلىستىق تٶتەنشە جاعدايلار دەپارتامەنتٸنٸڭ (تجد) باسپاسٶز قىزمەتٸ حابارلادى.
سادوۆىي اۋىلىنا تاسقىن سۋ 18 سەۋٸر كٷنٸ ساعات 10 شاماسىندا كەلە باستاعان. كٸشكەنتاي بالالارى مەن قۇجاتتارىن قاۋٸپسٸز جەرگە كٶشٸرٸپ, ٶزدەرٸ ٷي-جايلارىنا الاڭداعان تۇرعىندار تٷنٸمەن ۇيقى كٶرمەگەندەرٸن ايتادى. اۋىل تۇرعىنى عازيزا ساربٶپينانىڭ سٶزٸنە قاراعاندا, كەمٸندە 15 ٷي سۋعا كەتكەن.
- پاراسات, بەيشەشەك كٶشەلەرٸندەگٸ بٸرنەشە ٷيدٸ سۋ باستى. سول كٶشەدەگٸ ماكسيموۆتار, وتاروۆتار وتباسى بۋىنىپ-تٷيٸنٸپ تۋىستارىنا كەتتٸ. ٷيلەرٸن سۋ باسقان بٸراز ادام اقتٶبەدەگٸ №61 مەكتەپتٸ پانالاپ وتىر, -دەيدٸ جانات ارزىمبەتوۆا ەسٸمدٸ تۇرعىن.
ٶتكەن تٷنٸ اقتٶبەدەن 35 كيلومەتر قاشىقتىقتاعى سادوۆىي اۋىلىنا بارعان ازاتتىق تٸلشٸسٸ بەيشەشەك كٶشەسٸندەگٸ اسفالتتى ەكسكاۆاتوردىڭ قازىپ جاتقانىن كٶردٸ. تۇرعىنداردىڭ ايتۋىنشا, بۇل اسفالت اۋىلعا وسىدان ەكٸ جىل بۇرىن تٶسەلگەن.
- تاس جولدى بۇزىپ, ارىق جاساۋعا مەجبٷرمٸز. ولاي ەتپەسەك, بٷكٸل اۋىلدى سۋ باسۋ قاۋپٸ بار. قارعالىنىڭ سۋى ارناسىنا سىيماي, سادوۆىي اۋىلىنا جايىلا باستادى. سول سۋدى ٶزەن ارناسىنا قايتادان بۇرۋ ٷشٸن اسفالتتى قازىپ جاتىرمىز, - دەدٸ اقتٶبە قالالىق تٶتەنشە جاعدايلار بٶلٸمٸنٸڭ باسشىسى بەكبولات نۇراشەۆ.
اقتٶبە وبلىستىق تجد مەلٸمەتٸنشە, ٶتكەن تەۋلٸكتە سادوۆىي اۋىلى مەن وعان ٸرگەلەس سولنىشكو, نەفتياننيك ساياجاي ۇجىمدارىندا 47 ٷي مەن اۋلانى سۋ باسقان.
