اقتٶبە قالالىق مەشٸتٸ دٸن ٶكٸلدەرٸ مەن تەولوگتاردىڭ, جات اعىم جەتەگٸندە جٷرگەندەردٸڭ اراسىندا بوۋلينگتەن جارىس ٶتكٸزدٸ. جارىسقا بارلىعى 17 كوماندا قاتىسىپ جاتىر, دەپ حابارلايدى قازاقپارات تٸلشٸسٸ.
اقتٶبە قالاسىنداعى 10 مەشٸتتٸڭ يمامى مەن جاماعات, «اڭسار» اقپاراتتىق - تالداۋ ورتالىعىنىڭ تەولوگتارى, جات اعىم جەتەگٸندە جٷرگەندەر بٷگٸن بوۋلينگ ويناپ, ٶزارا پٸكٸر الماسۋعا كەلٸستٸ.
«نامازحانداردىڭ اۋىزبٸرشٸلٸگٸن ارتتىرۋ ٷشٸن بٸز بوۋلينگكە كەلدٸك. بوۋلينگكە مۇعالجار اۋدانى, قاندىاعاش قالاسىندا تۇراتىن ەكٸ جٸگٸتتٸ الىپ كەلدٸم. ەكەۋٸ دە جات اعىم جەتەگٸندە جٷر. ولاردىڭ بٸرٸ اس ٸشٸپ بولعان سوڭ بەت سيپاپ, باتا بەرۋدٸ بۇرىس سانايدى. جاستاردىڭ كٶزقاراسىن تٷزەپ, ويىن ٶزگەرتۋ ٷشٸن كٶپشٸلٸك اراسىنا شاقىردىق. جٸگٸتتەر قارسى بولماي, كەلٸسٸم بەردٸ. جات اعىم مەن دەستٷرلٸ جولدى ۇستاناتىندار بٸر جەردە كەزدەسسە, بەرٸ جاقسى جاعىنا ٶزگەرەدٸ», - دەدٸ قاندىاعاش ورتالىق مەشٸتٸنٸڭ نايب يمامى ەسەمحان ەرعازين.
مەشٸتكە بارىپ, ناماز وقيتىندار دا شاقىرۋدى قابىل العان. كەيبٸرٸ بۇرىن بوۋلينگ ويناعان, كەيبٸرٸ اۋىر دوپتى بٷگٸن قولىنا العاش ۇستاپ تۇر.
«ستۋدەنت كەزدە بوۋلينگ وينادىم. اقجار اۋىلىنداعى مەشٸت يمامى بوۋلينگ وينايتىن جاماعاتتى شاقىرعاندا بٸردەن كەلٸسٸم بەردٸم. بۇل جاقسى وي ەكەن», - مەشٸت جاماعاتى جاناس يمانعازين.
