اقتٶبەدە پوليتسييا قىزمەتكەرلەرٸ جەدەل ۇستاۋ شاراسى ٶتكٸزٸپ, جەڭٸل كٶلٸكتٸ توقتاتتى. كٶلٸك ٸشٸنەن بٸرنەشە قارۋ-جاراق تەركٸلەندٸ, دەپ حابارلايدى قازاقپارات.
وقيعا 21 قاراشا كٷنٸ ساعات 00.42-دە بولدى. پوليتسييا قىزمەتكەرلەرٸ العان اقپارات بويىنشا جەدەل ٸس-شارالار ٶتكٸزۋ كەزٸندە جاڭاقونىس ەلدٸمەكەنٸ ماڭىندا رەسەيلٸك ەسەپتەگٸ «ۆاز-2199» اۆتوكٶلٸگٸن توقتاتتى. 18 جاستاعى جٷرگٸزۋشٸنٸڭ جانىندا 25 جاستاعى ەكٸ جولاۋشى بولعان.
«اۆتوكٶلٸكتٸ تەكسەرۋ كەزٸندە پوليتسييا قىزمەتكەرلەرٸ «يج» ماركالى ەكٸ ۇڭعىلى شولاق اڭشى مىلتىعىن جەنە «يج» ماركالى ەكٸ تەگٸس ۇڭعىلى مىلتىقتى, 16 كاليبرلٸ 6 پاترون مەن 2 پىشاقتى تەركٸلەدٸ. سونىمەن قاتار جٷرگٸزۋشٸنٸڭ ەسٸرتكٸلٸك ماساڭ كٷيدە بولعانى انىقتالدى. اۆتوكٶلٸك ارنايى تۇراققا قويىلدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, وسى دەرەك بويىنشا قىلمىستىق كودەكستٸڭ «قارۋدى, وق-دەرٸلەردٸ زاڭسىز ساتىپ الۋ, بەرۋ, ٶتكٸزۋ, ساقتاۋ, تاسىمالداۋ نەمەسە الىپ جٷرۋ» بابى بويىنشا سوتقا دەيٸنگٸ تەرگەۋ باستالدى. پوليتسەيلەر قارۋ-جاراقتى نە ٷشٸن جانىندا ۇستاپ جٷرگەنٸن انىقتاۋ ٷشٸن تەرگەۋ جٷرگٸزٸ جاتىر. وسى باپتىڭ سانكتسيياسى بەس مىڭ ايلىق ەسەپتiك كٶرسەتكiشكە دەيiنگi مٶلشەردە ايىپپۇل سالۋ نە سول مٶلشەردە تٷزەۋ جۇمىستارىنا نە بەس جىلعا دەيiنگi مەرزiمگە باس بوستاندىعىن شەكتەۋ نە سول مەرزiمگە باس بوستاندىعىنان ايىرۋ جازاسىن كٶزدەيدٸ.
