اقتٶبەدە ەرلٸ-زايىپتى ازاماتتاردان كوروناۆيرۋس ينفەكتسيياسى انىقتالىپ, 56 ادام كارانتيندٸك گوسپيتالگە جاتقىزىلدى, دەپ حابارلايدى "ۇلت اقپارات".
«بۇل ەكٸ جاعداي كەشە تٸركەلدٸ. بارلىعى وبلىس بويىنشا 7 ادام ٸندەتكە شالدىقتى. 1 سەۋٸر كٷنٸ قالا تۇرعىنى ەمدەۋ مەكەمەسٸنە بارعان. ول تىنىسى تارىلىپ, قىزۋى كٶتەرٸلگەنٸن ايتقان. سول كەزدە ەمدەۋ مەكەمەسٸنٸڭ ارنايى بٶلمەسٸنە وقشاۋلانىپ, جەدەل جەردەم شاقىرىلدى. پروۆيزورلىق گوسپيتالگە جاتقىزىلىپ, قارىم-قاتىناستا بولعان ادامدار انىقتالدى. ولار: وتباسى, تۋىستارى, ەرٸپتەستەرٸ مەن كٶمەك سۇراپ بارعان ەمدەۋ مەكەمەسٸ. بارلىعى 56 ادام كارانتينگە جاتقىزىلدى. ۆيرۋسولوگييالىق تەكسەرۋدەن سوڭ بٸردەن ارنايى پالاتاعا اۋىستىرىلدى. سودان كەيٸن ەيەلٸنەن تابىلدى. ول دا اۋرۋحاناعا جەتكٸزٸلدٸ», - دەدٸ وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
ايتا كەتەيٸك, ٸندەتكە شالدىققان ەرلٸ-زايىپتىلار تۇرعان كٶپقاباتتى ٷيدٸڭ بٸر پودەزٸ كارانتينگە جابىلدى. ولار 14 كٷن بويى ٷيدە وتىرادى. ازىق-تٷلٸك پەن دەرٸ-دەرمەككە تاپسىرىس بەرە الادى. تۋىستارى دا جەتكٸزٸپ بەرەدٸ. قازٸر پوليتسييا باقىلاۋعا الدى. ال تاعى 13 پودەزدٸڭ تۇرعىندارى تەك جۇمىسقا, ازىق-تٷلٸك دٷكەنٸنە بارا الادى. سونىمەن بٸرگە ەمدەۋ مەكەمەسٸ كارانتيندە.
«ٸندەت جۇقتىرعان ەر ادامنىڭ الماتى, نۇر – سۇلتان قالالارىنا ٸسساپارمەن بارعانى انىقتالدى. كەيٸن تەكسەرۋ كەزٸندە ەيەلٸنەن تابىلدى. ەكەۋٸنٸڭ دە جاعدايى تۇراقتى. قاجەتتٸ ەم جٷرگٸزٸلٸپ جاتىر», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
