اقتٶبە قالاسىنداعى سازدى جەنە اقتٶبە سۋ قويماسى قار سۋىنا تولدى. قازٸر سۋ ەلەك جەنە سازدى ٶزەندەرٸنە جٸبەرٸلٸپ, ٶزەن ماڭىنداعى ساياجايلاردى سۋ باستى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اقتٶبە قالاسىندا تٶتەنشە جاعداي جارييالانىپ, ارنايى قىزمەت تۇرعىندارعا حابارلاندىرۋ بەردٸ. سەبەبٸ, ەلەك جەنە سازدى ٶزەنٸنٸڭ ارناسى تولىپ, سۋ جاعاعا شىقتى. قازٸرگٸ ۋاقىتتا ٶزەن ماڭىنداعى باۋ-باقشا ۇجىمدارىنا قونىستانعان ادامدار قاۋٸپسٸز جەرگە كٶشٸرٸلٸپ جاتىر.
«قالاداعى تۇرعىن ٷيلەردٸ سۋ باسپايدى دەگەن بولجام بار. بٸراق ساياجايعا قونىستانعان ادامداردىڭ قاۋٸپسٸز جەرگە كٶشۋٸنە تۋرا كەلەدٸ. سەبەبٸ, اقتٶبە جەنە سازدى سۋ قويماسى تولىپ, سۋ ەلەك, سازدى ٶزەندەرٸنە جٸبەرٸلٸپ جاتىر. ال قارعالى سۋ قويماسى 66 پايىزعا تولى. سونىمەن قاتار, جٸڭٸشكە, تامدى, جامان قارعالى, بۇلاق ٶزەندەرٸ ارناسىنان استى»,- دەدٸ وبلىستىق تٶتەنشە جاعدايلار دەپارتامەنتٸنٸڭ باسشىسى باۋىرجان سىزدىقوۆ.
قۇتقارۋشىلار 45 باۋ-باقشا ۇجىمىنداعى مىڭداعان ٷيدٸ سۋ باسقانىن انىقتادى. قازٸر تۇرعىندار قاۋٸپسٸز جەرگە كٶشٸرٸلٸپ جاتىر. ال كٶشۋدەن باس تارتقان ادامدار ارنايى قولحات جازىپ, باسپانالارىندا قالۋدى جٶن كٶرگەن.
«ەلەك ٶزەنٸ ماڭىنداعى باۋ-باقشادان سۋ سورىلمايدى. سەبەبٸ, ٶزەن جاعاسىنداعى سۋدى سورۋ ەش نەتيجە بەرمەيدٸ. ينەرتتٸ ماتەريالدار دا تاسىلمايدى. بۇل دا نەتيجە بەرمەيدٸ.
كەشە 600 ٷيگە حابارلاندىرۋ بەرٸپ, ٶزەن تاسۋى مٷمكٸن دەپ ايتتىق. قۇتقارۋشىلار قاۋٸپ بار ەكەنٸن ەسكەرتتٸ. بٸراق 522 ادام قاۋٸپسٸز جەرگە كٶشۋدەن باس تارتىپ وتىر. بارلىعى 227 ادام قاۋٸپسٸز جەرلەرگە كٶشٸرٸلدٸ, 6 ادام ۋاقىتشا ورنالاستىرۋ بەكەتتەرٸندە, ولاردىڭ ٸشٸندە ەكٸ بالا بار. 129 ادام تۋىستارىنىڭ ٷيلەرٸنە ورنالاستى», - دەدٸ ب. سىزدىقوۆ.
تٶتەنشە جاعدايلار قىزمەتٸ كەشە ەرٸكتٸلەردٸڭ كٶمەگٸمەن كۆادروكوپتەر ارقىلى قالا ماڭىن شولىپ شىقتى. ال بٷگٸن اقتٶبە قالاسىندا جاڭبىر جاۋىپ تۇر. تٶتەنشە جاعدايلار قىزمەتٸ ٶزەن سۋىنىڭ ارناسى ەلٸ دە كٶتەرٸلۋٸ مٷمكٸن دەپ بولجاپ وتىر.
