اقتٶبەدە ەكٸ ادامدى پىشاقتاپ, قاشىپ كەتكەن كٷدٸكتٸ ۇستالدى. ونى زيرات ماڭىنداعى دالالى القاپتان تاپقان, دەپ حابارلايدى "ۇلت اقپارات".
«وقيعا تامىزدا بولدى. ەكٸ ادامدى پىشاقتاعان كٷدٸكتٸ قاشىپ كەتكەن بولاتىن. پوليتسييا ٸزدەۋ جۇمىستارىن جان-جاقتى جٷرگٸزدٸ. كەيٸن تۋىسىنىڭ قۇرىلىسى بٸتپەگەن ٷيٸنٸڭ شاتىرىندا جاسىرىنعانى بەلگٸلٸ بولدى. پوليتسييا ٸزدەپ بارعاندا ونىڭ كەتٸپ قالعانى انىقتالدى. سٶيتٸپ, قالاعا ٸرگەلەس اۋىلعا جاقىن جەردەگٸ زيرات ماڭىنان ۇستالدى», - دەدٸ وبلىستىق پوليتسييا دەپارتامەنتٸ باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
قازٸر تەرگەۋ جٷرٸپ جاتىر.
بۇعان دەيٸن حابارلاعانىمىزداي, 28 جاستاعى ازامات كالمەنوۆ ەكٸ ادامدى پىشاقتاپ كەتكەن ەدٸ. ونىڭ بٸرٸ جٷيتٸ ەيەل, ەكٸنشٸسٸ – ٶزٸنٸڭ سٷيٸكتٸسٸ.
