اقتٶبەلٸكتەر قىزۋدى تٷسٸرەتٸن, جەدەل رەسپيراتورلىق ۆيرۋستىق ينفەكتسيياعا قارسى دەرٸنٸ جاپپاي ساتىپ الىپ جاتىر. وبلىستىڭ باس سانيتار دەرٸگەرٸ دەرٸ-دەرمەك تاپشىلىعى تۋرالى ايتىپ بەردٸ, دەپ حابارلايدى "ۇلت اقپارات".
اقتٶبە وبلىسى بويىندا 671 ادام كوروناۆيرۋس ينفەكتسيياسىنا شالدىققان بولسا, تاعى 389 سيمپتومسىز جاعداي تٸركەلدٸ. ٶسٸم - 7,3 پايىز. 357 ناۋقاس جازىلىپ شىقتى.
ٷي كارانتينٸندە 2343 ادام جاتىر. بەرٸ مەديتسينالىق باقىلاۋ الىنعان. قازٸر كٶپشٸلٸك دەرٸ-دەرمەكتٸ جاپپاي ساتىپ الۋعا كٶشكەن. قاراپايىم قىزۋ تٷسٸرەتٸن دەرٸلەر دەرٸحانادا تاپشى.
«اقتٶبە وبلىسىندا 600-دەن استام دەرٸحانا, 15 قويما بار. وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸ باقىلاۋ جٷرگٸزٸپ وتىر. انتيبيوتيك پەن قىزۋ تٷسٸرەتٸن دەرٸ-دەرمەكتٸڭ دەرٸحانادا ازايعانى بايقالادى, بٸراق قويمادا جەتكٸلٸكتٸ. تۇرعىنداردىڭ قورقىپ, جاپپاي ساتىپ الىپ جاتقانى راس. ايتارىمىز - ادامدار ٶز بەتٸمەن ەمدەلمەۋٸ كەرەك. ەنتٸگٸپ, قىزۋى كٶتەرٸلٸپ, قاتتى جٶتەلسە دەرٸگەر شاقىرعان جٶن», - دەدٸ وبلىستىق تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
ايتا كەتەيٸك, ٶڭٸردە ٶتكەن تٷندە ٶكپەنٸڭ قابىنۋى دەرتٸنەن 4 ادام كٶز جۇمدى. ونىڭ ناقتى دياگنوزى ايدىڭ سوڭىندا انىقتالادى.
قازٸر 10 ادام جاساندى تىنىس الۋ اپپاراتىنا قوسىلعان.
