فوتو: almaty.tv
اقتٶبە قالاسىندا ەر ادام تانىس ەيەلٸن ٶلتٸردٸ. كٷدٸكتٸ پوليتسيياعا قارسىلىق كٶرسەتٸپ, جارالاپ, كٶلٸكپەن قاشىپ كەتكەن جەرٸنەن ۇستالدى, دەپ حابارلايدى «ۇلت اقپارات» وبلىستىق پد باسپاسٶز قىزمەتٸنە سٸلتەمە جاساپ.
وقيعا تٷندە بولدى. اقتٶبە قالاسى مارەسەۆ كٶشەسٸندەگٸ كٶپقاباتتى ٷيدٸڭ پەتەرٸندە پىشاق جاراقاتىن العان ەيەلدٸڭ دەنەسٸ تابىلدى.
«ەيەل ادامنىڭ پىشاق جاراقاتتارى تٷرٸندەگٸ زورلىق-زومبىلىقپەن ٶلتٸرۋ بەلگٸلەرٸ بار مەيٸتٸ تابىلدى. ۇستاۋ كەزٸندە كٷدٸكتٸ قارسىلىق كٶرسەتٸپ, پوليتسييا قىزمەتكەرٸن جاراقاتتاپ, وقيعا ورنىنان كٶلٸكپەن قاشىپ كەتكەن. قۋدالاۋ كەزٸندە كٷدٸكتٸ بٸرنەشە اۆتوكٶلٸكتٸ سوعىپ, اقتٶبە-بولگاركا جولىندا اۋدارىلدى. كٷدٸكتٸ ۇستالدى. كٸسٸ ٶلتٸرۋ دەرەگٸ بويىنشا سوتقا دەيٸنگٸ تەرگەۋ جٷرٸپ جاتىر», - دەپ حابارلادى وبلىستىق پد باسپاسٶز قىزمەتٸ.
اقتٶبە وبلىستىق دەنساۋلىق ساقتاۋ باسقارماسىنىڭ باسشىسى نۇربول تىمپيەۆتٸڭ ايتۋىنشا, قازا بولعان ەيەل – دەرٸگەر. ول ەڭبەك دەمالىسىندا بولعان.
