اقتٶبەدە بەسٸنشٸ قاباتتان قۇلاپ, بٸر اپتا اۋرۋحانادا جاتقان 2 جاسار بالا كٶز جۇمدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ جازاتايىم وقيعالاردىڭ الدىن الۋ ماقساتىندا كەمەلەتكە تولماعان بالالاردىڭ بوس ۋاقىتىن جەنە ورنالاسقان جەرٸن مۇقييات باقىلاۋ قاجەت ەكەنٸن ەسكەرتەدٸ. بيىل ٶڭٸردە بەس بالا تەرەزەدەن قۇلاپ كەتتٸ.
«30 ماۋسىم كٷنٸ اقتٶبە قالاسىنداعى كٶپقاباتتى ٷيلەردٸڭ بٸرٸندە جازاتايىم وقيعا بولدى. بەسٸنشٸ قاباتتان 2 جاسار بالا قۇلاپ كەتكەن. بالانىڭ اناسى اس ٷيدە بولعان. بالا تٷرلٸ جاراقاتپەن قالالىق اۋرۋحاناعا جاتقىزىلدى. بٸر اپتا اۋرۋحانادا جاتقان بالا كٶز جۇمدى. وسىعان بايلانىستى اتا-انالارعا مۇقييات بولۋدى, بالاعا ٷنەمٸ قاۋٸپسٸزدٸك ەرەجەسٸن ەسكە سالىپ وتىرۋدى ەسكەرتەمٸز», - دەدٸ اقتٶبە وبلىستىق پد باستىعىنىڭ بٸرٸنشٸ ورىنباسارى قانات ەليەۆ.
