Aqtóbede besinshi qabattan qulap, bir apta aýrýhanada jatqan 2 jasar bala kóz jumdy, dep habarlaidy "Ult aqparat".
Oblystyq politsiia departamenti jazataiym oqiǵalardyń aldyn alý maqsatynda kámeletke tolmaǵan balalardyń bos ýaqytyn jáne ornalasqan jerin muqiiat baqylaý qajet ekenin eskertedi. Biyl óńirde bes bala terezeden qulap ketti.
«30 maýsym kúni Aqtóbe qalasyndaǵy kópqabatty úilerdiń birinde jazataiym oqiǵa boldy. Besinshi qabattan 2 jasar bala qulap ketken. Balanyń anasy as úide bolǵan. Bala túrli jaraqatpen qalalyq aýrýhanaǵa jatqyzyldy. Bir apta aýrýhanada jatqan bala kóz jumdy. Osyǵan bailanysty ata-analarǵa muqiiat bolýdy, balaǵa únemi qaýipsizdik erejesin eske salyp otyrýdy eskertemiz», - dedi Aqtóbe oblystyq PD bastyǵynyń birinshi orynbasary Qanat Áliev.
