فوتو: freepik.com
اقتٶبە قالاسىندا 30 جاستاعى ەيەل ٸرٸ مٶلشەردە ۇرلىق جاسادى دەگەن كٷدٸكپەن ۇستالدى, – دەپ حابارلايدى اقتٶبە وبلىسىنىڭ پوليتسييا دەپارتامەنتٸ.
پوليتسييا مەلٸمەتٸنشە, كٷدٸكتٸ بيىل قاڭتاردان باستاپ قالادا بالا كٷتۋشٸ بولىپ جۇمىس ٸستەگەن. وسى ۋاقىتتا كٶپبالالى وتباسىنىڭ بٸرنەشە زەرگەرلٸك بۇيىمدارىن ۇرلاپ, بٸرتٸندەپ جاسىرىن لومباردقا ٶتكٸزگەن.
ٷي يەلەرٸ باعالى زاتتارىنىڭ جوعالعانىن ناۋرىز ايىندا بٸلٸپ, پوليتسيياعا حابار بەرگەن. ۇرلانعان زاتتار اراسىندا التىن سىرعا, القا, ساقينالار بار, جالپى كەلتٸرٸلگەن زالال شامامەن 3 ميلليون تەڭگە.
پوليتسييا كٷدٸكتٸنٸڭ اقشانى جەكە قاجەتتٸلٸكتەرٸنە جۇمساعانىن اتاپ ٶتتٸ. قازٸر ٸرٸ مٶلشەردە ۇرلىق جاساۋ دەرەگٸ بويىنشا قىلمىستىق ٸس تٸركەلٸپ, تەرگەۋ جٷرٸپ جاتىر.
