Foto: freepik.com
Aqtóbe qalasynda 30 jastaǵy áiel iri mólsherde urlyq jasady degen kúdikpen ustaldy, – dep habarlaidy Aqtóbe oblysynyń politsiia departamenti.
Politsiia málimetinshe, kúdikti biyl qańtardan bastap qalada bala kútýshi bolyp jumys istegen. Osy ýaqytta kópbalaly otbasynyń birneshe zergerlik buiymdaryn urlap, birtindep jasyryn lombardqa ótkizgen.
Úi ieleri baǵaly zattarynyń joǵalǵanyn naýryz aiynda bilip, politsiiaǵa habar bergen. Urlanǵan zattar arasynda altyn syrǵa, alqa, saqinalar bar, jalpy keltirilgen zalal shamamen 3 million teńge.
Politsiia kúdiktiniń aqshany jeke qajettilikterine jumsaǵanyn atap ótti. Qazir iri mólsherde urlyq jasaý deregi boiynsha qylmystyq is tirkelip, tergeý júrip jatyr.
