اقتٶبە وبلىسى, مۇعالجار اۋدانى, تەمٸر موست اۋىلىنداعى بالالار ەكٸ كٷننەن بەرٸ ساباققا بارماي جٷر. بٷگٸن اتا-انالار جينالىپ, وبلىس ەكٸمٸنەن جاڭا مەكتەپ سالىپ بەرۋدٸ سۇرادى, دەپ حابارلايدى قازاقپارات.
تەمٸر موست اۋىلىنىڭ تۇرعىندارى بٷگٸن وبلىس ەكٸمدٸگٸنە جينالىپ, ٶڭٸر باسشىسى وڭداسىن ورازالينمەن كەزدەسۋدٸ سۇرادى. ولار 1936 جىلى تەمٸرجول ۆوكزالى رەتٸندە سالىنعان عيماراتتىڭ قاۋٸپتٸ ەكەنٸن, وسىعان قاراي ەكٸ كٷن بويى بالالارىن ساباققا جٸبەرمەگەنٸن ايتتى.
«مەكتەبٸمٸز اپاتتى جاعدايدا تۇر. سوندىقتان مەن قازٸر بالالارىمدى ساباققا جٸبەرە الماي وتىرمىن. تٶبەسٸ قۇلايىن دەپ تۇر. وشاق تارتپايدى, وت جاقسا جانبايدى. ىس باسىپ كەتەدٸ. مەن بالام ۋلانىپ قالادى دەپ قورقامىن. وقىس جاعداي بولسا كٸم جاۋاپ بەرەدٸ?», - دەدٸ اۋىل تۇرعىنى گٷلميرا تٶلەگەنوۆا.
بارلىعى وبلىس ورتالىعىنا 10-نان استام اۋىل تۇرعىنى كەلدٸ. ولار مەكتەپتٸڭ 9 جىلدىق بولىپ سالىنعانىن قالايدى.
«مۇعالجار اۋدانى, تەمٸر موست بەكەتٸنەن كەلٸپ تۇرمىن. بٸزگە مەكتەپ كەرەك. وسى مەسەلەنٸ كٶتەرٸپ تۇرمىز. ٶزٸم تەمٸرجولشىمىن, قازٸر زەينەتكە شىقتىم. ٷلكەن وتباسىمىز, نەمەرەلەرٸمنٸڭ سەگٸزٸ مەكتەپ جاسىندا. ولاردىڭ جاقسى مەكتەپتە وقىعانىن قالايمىن. بٸز 9 جىلدىق مەكتەپ بولسا دەيمٸز. قازٸرگٸ مەكتەپتٸڭ جاعدايى جامان. اپاتتى جاعدايدا تۇر. بۇل نەگٸزٸندە 1936 جىلى سالىنعان تەمٸرجول ۆوكزالى. قانشاما ادام كەلٸپ قارادى, بٸراق وڭ شەمٸمٸن كٶرمەدٸم. قازٸر اۋىلدا 98 بالا بار. ولاردىڭ كٶبٸ مەكتەپ بولماعان سوڭ ەر جەردە جٷر», - اۋىل تۇرعىنى راۋشان بايديلوۆا.
تەمٸر موست اۋىلىندا مەكتەپ سالۋ مەسەلەسٸ 2017 جىلى كٶتەرٸلٸپ, جوبالىق-سمەتالىق قۇجات ەزٸرلەندٸ. قازٸرگٸ كەزدە ونىڭ مەرزٸمٸ ٶتٸپ كەتكەن.
«تەمٸر موست مەكتەبٸنٸڭ قۇرىلىسىنا قاجەتتٸ جوبالىق-سمەتالىق قۇجات قايتا جاسالادى. اياقتالعان سوڭ قۇرىلىس جۇمىستارى باستالادى. بۇل بٸرنەشە ساراپتامادان ٶتۋٸ كەرەك. كەيٸن بيۋدجەتتەن قارجى سۇرايمىز, سوسىن قۇرىلىس جٷرەدٸ. بۇرىنعى 200 ملن تەڭگە بولسا, قازٸر 360-400 ملن تگ بولۋى مٷمكٸن», - دەدٸ وبلىستىق قۇرىلىس باسقارماسىنىڭ باسشىسى ناعىمجان الديياروۆ.
كەيٸن اۋىل تۇرعىندارىنىڭ الدىنا وبلىس ەكٸمٸنٸڭ ورىنباسارى دا شاقتى. ول بيىل مەكتەپ قۇرىلىسى باستالسا دا ونى جاڭا وقۋ جىلىنا دەيٸن اياقتاۋ قيىن ەكەنٸن ايتتى.
«كٶتەرٸپ وتىرعان مەسەلە ٶزەكتٸ. ول جەردە 60 ورىندى مەكتەپ سالۋ جوسپارى بار. قازٸر جوبالىق قۇجاتتاماعا قايتادان تٷزەتۋ ەنگٸزٸلٸپ جاتىر. ەڭ كٶپ دەگەندە ٷش اي ۋاقىت الادى. قۇجات قولعا تيگەندە وبلىستىق بيۋدجەتتەن قارجى بٶلەمٸز. قۇرىلىستى جىلدىڭ اياعىندا باستايتىن بولامىز. بيىلعى وقى جىلىندا اۋداندىق بٸلٸم بٶلٸمٸ الىپ بەرگەن وقۋ عيماراتىندا بٸلٸمٸن جالعاستىرادى», - دەدٸ وبلىس ەكٸمٸنٸڭ ورىنباسارى بۇلبۇل ەلەۋسٸنوۆا.
