فوتو: ەلەۋمەتتٸك جەلٸدەن
اقتٶبە قالاسىندا لاقاپ اتى Qarakesek رەتٸندە تانىمال ەنشٸ ومار امانتاەۆ سوت ٷكٸمٸن ورىنداپ, كٶشە تازالاۋشى بولىپ جۇمىسقا كٸرٸستٸ, دەپ حابارلايدى Ult.kz.
قالا ەكٸمدٸگٸنٸڭ باسپاسٶز قىزمەتٸ حابارلاۋىنشا, سوت ٷكٸمٸ الماتى اۋدانى ەكٸمدٸگٸنە تٷسكەن سوڭ, ومار امانتاەۆتى مەردٸگەر كومپانييا Damu Life جشس-نە باعىتتاعان. كومپانييا ساياباقتار, ايالدامالار مەن جاياۋ جٷرگٸنشٸلەر جولىن تازالاۋمەن اينالىسادى.
كومپانييا باسشىسى جاندوس ەرەكەشوۆتٸڭ ايتۋىنشا, ەنشٸ ناۋرىز مەرەكەسٸنەن كەيٸن جۇمىسقا كٸرٸسٸپ, بەلگٸلەنگەن 100 ساعاتتى ورىنداۋعا كٸرٸستٸ.
"ول كٶشە تازالاۋشى بولىپ جۇمىس ٸستەپ جاتىر. بٸز اقتٶبە قالاسىنىڭ زارەچنىي تۇرعىن الابىندا جۇمىس ٸستەيمٸز. ايالدامالاردى, ساياباقتار مەن جولداردى تازالايمىز", – دەدٸ ەرەكەشوۆ.
ەسكە سالساق, بىلتىر كٷزدە اقتٶبەدە ەسكٸرتكٸگە ماس كٷيٸندە كٶلٸك باسقارعان رەپ ورىنداۋشى Qarakesek ۇستالعان. ول 15 تەۋلٸككە قامالىپ, 7 جىل بويى كٶلٸك جٷرگٸزە المايدى. سونىمەن قاتار, ەسٸرتكٸ قۇرالدارىن زاڭسىز پايدالانۋ دەرەگٸ بويىنشا قىلمىستىق ٸس قوزعالعان بولاتىن.
