Foto: áleýmettik jeliden
Aqtóbe qalasynda laqap aty Qarakesek retinde tanymal ánshi Omar Amantaev sot úkimin oryndap, kóshe tazalaýshy bolyp jumysqa kiristi, dep habarlaidy Ult.kz.
Qala ákimdiginiń baspasóz qyzmeti habarlaýynsha, sot úkimi Almaty aýdany ákimdigine túsken soń, Omar Amantaevty merdiger kompaniia Damu Life JShS-ne baǵyttaǵan. Kompaniia saiabaqtar, aialdamalar men jaiaý júrginshiler jolyn tazalaýmen ainalysady.
Kompaniia basshysy Jandos Erekeshovtiń aitýynsha, ánshi Naýryz merekesinen keiin jumysqa kirisip, belgilengen 100 saǵatty oryndaýǵa kiristi.
"Ol kóshe tazalaýshy bolyp jumys istep jatyr. Biz Aqtóbe qalasynyń Zarechnyi turǵyn alabynda jumys isteimiz. Aialdamalardy, saiabaqtar men joldardy tazalaimyz", – dedi Erekeshov.
Eske salsaq, byltyr kúzde Aqtóbede eskirtkige mas kúiinde kólik basqarǵan rep oryndaýshy Qarakesek ustalǵan. Ol 15 táýlikke qamalyp, 7 jyl boiy kólik júrgize almaidy. Sonymen qatar, esirtki quraldaryn zańsyz paidalaný deregi boiynsha qylmystyq is qozǵalǵan bolatyn.
