اقتٶبە وبلىستىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا 16 جاستاعى وقۋشى قىز بەن ونىڭ 18 جاستاعى جٸگٸتٸنە قاتىستى العاشقى وتىرىس ٶتتٸ. ولارعا قىلمىستىق كودەكستٸڭ «ادام ٶلتٸرۋ» بابى بويىنشا ايىپ تاعىلدى, دەپ حابارلايدى قازاقپارات.
«جەبٸرلەنۋشٸ 2022 جىلدىڭ 14 سەۋٸرٸ كٷنٸ ساعات 21:00-دەن ٶتە قىزىنىڭ جٸگٸتٸن ٷيٸنە شاقىرىپ, شاعىن جٶندەۋ جۇمىستارىن جاساپ بەرۋدٸ سۇرايدى. جۋىناتىن بٶلمەدەگٸ بۇراندالاردى اۋىستىرۋ كەرەگٸن ايتادى. سول كٷنٸ ايىپتالۋشى جٸگٸت ساعات شامامەن 23:00-دە ٷي جۇمىستارىنا كٶمەك كٶرسەتۋ ٷشٸن بارعان. بٸرازدان سوڭ ٷي يەسٸ ۇرىس شىعارادى. كيٸم ٸلگٸشتەگٸ ٸلمەكتٸڭ دۇرىس ەمەستٸگٸ جانجال تۋىنداتقان. ٸشٸمدٸك ٸشكەن ەيەل جٸگٸتتٸڭ قىزىمەن اراداعى قارىم-قاتىناسىن قۇپتامايتىنىن دا جەتكٸزگەن. داۋ تٶبەلەسكە ۇلاسقان. سول كەزدە ايىپتالۋشى جەبٸرلەنۋشٸنٸڭ وڭ قولىنان ۇستاپ, جٷرەك تۇسىنا بٸر رەت پىشاق سۇققان. مۇنان سوڭ ونى بۋىندىرا باستاعان. سول كەزدە جانىندا تۇرعان قىزدان كٶمەكتەسۋدٸ سۇرادى. سەبەبٸ, جەبٸرلەنۋشٸ ول كەزدە تٸرٸ ەدٸ. قارسىلىق كٶرسەتكەن. قىز كٸشكەنتاي كەزٸندە ٶزٸنە زەبٸر كٶرسەتكەن اناسىن اياماي, پىشاقتى الىپ, بٸرنەشە رەت سۇعىپ الادى. سٶيتٸپ, مٷردەنٸ جاسىرۋدى ويلايدى», - دەدٸ مەملەكەتتٸك ايىپتاۋشى سوت وتىرىسى كەزٸندە.
ايىپتاۋ قورىتىندىسىنا سٷيەنسەك, ەكەۋٸ 19 سەۋٸرگە دەيٸن دەنەنٸ بالكوندا ساقتايدى. دەنە بۇزىلماس ٷشٸن وعان ۋكسۋس قۇيىپ, سودا سەپكەن.
«كٸنەنٸ مويىندايمىن. بٸراق, قىلمىستى ٶزٸم جاسادىم. اشۋ ٷستٸندە. قورقىپ, ەشكٸمگە ايتپادىم. كەيٸن اعاما حابارلاستىم, ول پوليتسييا شاقىردى», - دەدٸ 18 جاستاعى جٸگٸت.
اقتٶبە قالاسى الماتى اۋداندىق پروكۋراتۋراسى اناسىن ٶلتٸرگەن وقۋشى مەن ونىڭ جانىندا بولعان جٸگٸتكە قاتىستى ٸستٸ تەرگەپ, سوتقا جٸبەردٸ. پروكۋراتۋرانىڭ حابارلاۋىنشا, ايىپتاۋ اكتٸسٸ كەزٸندە ولارعا قاتىستى باپ ٶزگەرتٸلدٸ. ٸس قىلمىستىق كودەكستٸڭ 99-بابى 2-تارماعى, ياعني توپ بولىپ جاساعان قىلمىسى ٷشٸن سوتقا جولداندى.
