اقتٶبە قالاسىندا 7 جاستاعى بالا بەسٸنشٸ قاباتتاعى تەرەزەدەن قۇلاپ كەتتٸ. قازٸر ول وبلىستىق بالالار اۋرۋحاناسىنىڭ جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
3 ماۋسىم كٷنٸ اقتٶبە قالاسى باتىس-2 شاعىن اۋدانىندا وقىس جاعداي تٸركەلدٸ. 7 جاستاعى بالا بەسٸنشٸ قاباتتان قۇلاپ كەتكەن.
«بالا تٷرلٸ دەنە جاراقاتىمەن وبلىستىق بالالار اۋرۋحاناسىنا تٷستٸ. ول ٷيٸندە جالعىز بولعان. ۇيىقتاپ جاتقان بالانى اناسى بٸرنەشە مينۋتقا قالدىرىپ, دٷكەنگە بارىپ كەلگەن. كٶبٸنە ەرەسەكتەر بالالارىن نازاردان تىس قالدىرىپ, جازاتايىم وقيعاعا دۋشار بولادى. سوندىقتان تەرەزەنٸ مىقتى بەكٸتٸپ, ارنايى تور ورناتۋدى ۇسىنامىن. كەيبٸر جيھازدى تەرەزە جانىنا قويۋماۋ كەرەك. بالالار تەرەزەگە وڭاي شىعىپ كەتٸپ, شىبىن-شٸركەيدەن قورعايتىن توركٶزگە سٷيەنگەندە قۇلايدى. مۇنىڭ بەرٸن اتا-انا ەسكەرۋٸ تيٸس», - دەدٸ وبلىستىق پد باستىعى اتىعاي ارىستانوۆ.
قازٸر بالا وبلىستىق اۋرۋحانانىڭ جانساقتاۋ بٶلٸمٸندە جاتىر. دەرٸگەرلەر جاعدايىن تۇراقتى اۋىر دەپ وتىر.
«بالا تٷرلٸ دەنە جاراقاتىمەن تٷستٸ. ونىڭ بٸرنەشە ومىرتقاسى سىنعان. جابىق باس-مي جاراقاتىن العان. تراۆماتيكالىق شوك تا بار. ٸشكٸ قۇرىلىستارى دا زاقىمداندى. جانساقتاۋ بٶلٸمٸندەگٸ بالانىڭ جاعدايى تۇراقتى اۋىر», - دەدٸ وبلىستىق بالالار اۋرۋحاناسىنىڭ باس دەرٸگەرٸ ەربول جاپاقوۆ.
