Aqtóbe qalasynda 7 jastaǵy bala besinshi qabattaǵy terezeden qulap ketti. Qazir ol oblystyq balalar aýrýhanasynyń jansaqtaý bóliminde jatyr, dep habarlaidy "Ult aqparat".
3 maýsym kúni Aqtóbe qalasy Batys-2 shaǵyn aýdanynda oqys jaǵdai tirkeldi. 7 jastaǵy bala besinshi qabattan qulap ketken.
«Bala túrli dene jaraqatymen oblystyq balalar aýrýhanasyna tústi. Ol úiinde jalǵyz bolǵan. Uiyqtap jatqan balany anasy birneshe minýtqa qaldyryp, dúkenge baryp kelgen. Kóbine eresekter balalaryn nazardan tys qaldyryp, jazataiym oqiǵaǵa dýshar bolady. Sondyqtan terezeni myqty bekitip, arnaiy tor ornatýdy usynamyn. Keibir jihazdy tereze janyna qoiýmaý kerek. Balalar terezege ońai shyǵyp ketip, shybyn-shirkeiden qorǵaityn torkózge súiengende qulaidy. Munyń bárin ata-ana eskerýi tiis», - dedi oblystyq PD bastyǵy Atyǵai Arystanov.
Qazir bala oblystyq aýrýhananyń jansaqtaý bóliminde jatyr. Dárigerler jaǵdaiyn turaqty aýyr dep otyr.
«Bala túrli dene jaraqatymen tústi. Onyń birneshe omyrtqasy synǵan. Jabyq bas-mi jaraqatyn alǵan. Travmatikalyq shok ta bar. Ishki qurylystary da zaqymdandy. Jansaqtaý bólimindegi balanyń jaǵdaiy turaqty aýyr», - dedi oblystyq balalar aýrýhanasynyń bas dárigeri Erbol Japaqov.
