اقتٶبە سۋ قويماسىندا قۇس قىرىلدى. ەكولوگتار سۋ سىناماسىن الدى, دەپ حابارلايدى "ۇلت اقپارات".
اقتٶبەلٸكتەر سۋ قويماسى ماڭىندا قۇستاردىڭ قىرىلعانىن كٶرٸپ, ەلەۋمەتتٸك جەلٸگە جارييالادى. كەيٸن ماماندار تەكسەرۋ جۇمىسىنا كٸرٸستٸ.
«سۋ قويماسىندا قۇستاردىڭ قىرىلعانى تۋرالى اقپارات بار. بٸز سۋدان سىناما الدىق. قورىتىندىسى ٷش كٷننەن سوڭ بەلگٸلٸ بولادى», - دەدٸ وبلىستىق ەكولوگييا دەپارتامەنتٸ باسشىسىنىڭ ورىنباسارى ەربولات قوجىقوۆ.
ال ورمان شارۋاشىلىعى, جانۋارلار دٷنيەسٸ اۋماقتىق ينسپەكتسيياسى ٶز بولجامىن ايتتى.
«شاعالالار كٷندٸز اقتٶبە قوقىس پوليگونىندا جٷرەدٸ, سول جاقتا قورەكتەنەدٸ. ال كەشكە اقتٶبە سۋ قويماسىنا كەلەدٸ. قازٸر سەبەبٸن دەل ايتا المايمىز», - دەدٸ ورمان شارۋاشىلىعى, جانۋارلار دٷنيەسٸ اۋماقتىق ينسپەكتسيياسىنىڭ جەتەكشٸ مامانى ارتۋر قاڭتارباەۆا.
