ۆيدەو كادرى
اقتٶبە وبلىسىندا 14 جاستاعى وقۋشىنىڭ جۇمباق ٶلٸمٸنە قاتىستى اتا-اناسى جان-جاقتى تەكسەرۋ جٷرگٸزۋدٸ تالاپ ەتٸپ وتىر. قارا جامىلعان وتباسى بالالارىنىڭ ەلٸمجەتتٸكتەن كٶز جۇمعانىن ايتادى, - دەپ حابارلايدى Tengrinews.kz پورتالى كتك تەلەارناسىنا سٸلتەمە جاساپ.
شالقار اۋدانىنداعى ايشۋاق اۋىلىندا تۇراتىن رۋسلان جالمۇراتوۆ "ۇلىمدى ٶزٸنەن ەرەسەكتەر ۇرىپ ٶلتٸردٸ" دەيدٸ.
ٷش كٷن بۇرىن بالاسىن جەرلەگەن ەكە 14 جاستاعى رٷستەمدٸ 11-سىنىپتىڭ وقۋشىلارى تەپكٸلەگەنٸن ايتادى. اۋىر سوققىدان بالا سول جەردە قايتىس بولعان.
ەسٸنەن تانىپ, بٸردەن دەمٸ ٷزٸلگەن وقۋشىنى سول جەردەگٸلەر مەدبيكەنٸڭ ٷيٸنە جەتكٸزٸپتٸ. الايدا تەرتٸپ ساقشىلارى مارقۇمنىڭ دەنەسٸندە ۇرىپ-سوعۋ بەلگٸلەرٸ جوق دەپ مەلٸمدەمە جاساعان. دەگەنمەن ساراپتاما تاعايىندالعان. ال اتا-اناسى مارقۇم ۇلىنا ەلٸمجەتتٸك كٶرسەتكەن اۋىل بالالارىنىڭ جازالانعانىن قالايدى.
"مەنٸڭ بالامدى قاتتى تەپكەن. سول تەپكٸدەن تٸزەرلەپ وتىرىپ, كەيٸن قۇلاعان. سول ارادا تٸل تارتپاي كەتكەن. بەتٸنە قار شاشقان, قاسىنداعى بالالارى. بولماعان سوڭ, سول كٶشەدەگٸ مەدبيكەنٸڭ ٷيٸنە كٶتەرٸپ اپارعان. بالامدى قاساقانا ٶلتٸرگەندەرگە قاتىستى شارا قولدانۋدى سۇرايمىن", - دەيدٸ مارقۇمنىڭ ەكەسٸ رۋسلان جالمۇراتوۆ.
جاسٶسپٸرٸمنٸڭ جٷرەگٸ اۋىرعانى تۋرالى اقپاراتتى وتباسى جوققا شىعارادى. ولار جٸگٸتتٸڭ دەنساۋلىعى جاقسى بولعانىن ايتادى.
